HATAW! D'yaryo ng Bayan hatawtabloid.com
WALA na kaming narinig kung ilang milyong tweets ang lumabas matapos na halikan ni Alden Richards si Maine Mendoza noong isang araw. Kung kagaya ng dati, mayroon pa silang minute to minute update kung ilang tweets na sa show pa lang mismo. Iyong paghalik na iyon ni Alden kay Maine, siguro kung noon iyon, ilang milyong viewers agad ang katapat niyon. Noon nga lang una silang magkita sa isang concert show nila hindi ba umabot sa mahigit na 6 milyon ang audience at umabot sa halos 30 milyon ang tweets?
Nakatatakot isipin pero parang mabilis ang decline ng popularidad ng love team nila. Iyon siguro ang dahilan kung bakit hindi na nagawa ang sinasabing Valentine movie sana nila. Kung gumawa sila ng Valentine movie, siguro baka umurong iyong Love is Blind o iyongGirlfriend for Hire. Pero hindi na eh. Hindi na nga sila nakagawa ng Valentine movie.
Palagay namin wala ang mali kina Alden at Maine. Ang mali ay iyong handling. Masyado sigurong naging confident ang mga handler. Hindi sila nagpigil eh, hinayaan lang nila ang kabi-kabilang publisidad. Iyan ay isang kaso ng over exposure, too soon. Iyan ang hindi alam ng mga baguhan, kung paano mag-control. Iba iyong gumagawa ng publisidad lang. Iba iyong alam ang kanyang market.
( Ed de Leon )
