Pag-apruba ng Bicam sa 2016 budget iniliban

HINDI tumagal ng 10 minuto ang unang araw ng Bicameral Conference Committee ng Senado at Kamara kaugnay sa P3.002 trilyon panukalang national budget para sa susunod na taon

Agad ding sinuspinde ang Bicam, makaraang hilingin ng House of Representative contingent na bigyan muna sila ng kopya ng bersiyon ng Senado hinggil sa 2016 proposed national budget.

Ito ay upang mapag-aralang mabuti ng mga kongresista ang mga detalye ng budget na kanilang pagkakasunduan.

Dahil dito, muling magpupulong ang mga senador at kongresista sa pagtatapos ng linggong ito o kaya sa pagsisimula ng susunod na linggo.

Sa panig ng Senado, target nilang matapos ng Bicam ngayong linggo ang deliberasyon para maratipika sa susunod na linggo at maisumite sa Malacañang para lagdaan ni Pangulong Benigno “Noynoy” Aquino III sa Disyembre 14, 2015.