Friday , March 29 2024

John Lloyd at Bea may kredibilidad kaya kumikita ang pelikula

112715 lloydie Bea Alonzo
MAY mga pelikulang hindi pa man naipalalabas, tiyak na silang kikita. Sinasabi nga nila, maraming mga tao ang nanonood ng isang pelikula hindi pa man nila alam kung ano ang istorya niyon, o kung ano ang kalidad ng pelikula. Nagtitiwala lang sila sa kung ano ang lumabas sa promo ng pelikula at sa popularidad ng mga artista.

Minsan tuloy, may mga pelikulang matino naman pero hindi kumikita, kasi kapos sa promo. Minsan naman may mga pelikulang nababasa mo nga, mali naman ang promo. Wise na kasi ang tao ngayon. Bago sila magbitaw ng P200 bayad sa sine, gusto nila sigurado sila. Bakit ka nga naman magbibitaw ng P200 eh ang hirap kitain niyon. Lalo na nga’t hindi ka naman sigurado sa pagkakagastahan mo. Sanay na rin naman kasi ang mga tao roon sa mga comment na ang totoo ay pralala lang. Hindi na nila pinaniniwalaan iyon. Kung alam nila na puro pralala lang naman ang nababasa nila, malamang sa hindi hintayin na lang nila iyon sa tig-P20 na DVD.

Mayroon namang natatangay ng popularidad at kredibilidad ng mga artista. Isang magandang example iyang A Second Chance. Hindi natin alam kung ano ang content ng pelikulang iyan, pero kung ang pagbabatayan mo ay iyong pelikulang One More Chance na siyang sinundan niyan, at naging isang malaking hit noong araw, at ang titingnan mo ay ang kredibilidad nina John Lloyd Cruz at Bea Alonzo bilang mga artista, tiyak sa unang araw pa lang panonoorin mo na ang pelikula.

Kung ganoon kasi ang kredibilidad ng mga artista, susugal ka kahit na hindi mo pa alam kung ano talaga ang hitsura ng isang pelikula. Kung mapapansin din ninyo, ang malaking kinikita ng isang pelikula ay nasa tatlong unang araw niyon, ibig sabihin mas marami iyong nagtitiwala sa kredibilidad ng artista.

Para mapatunayan iyan, iyong pelikulang Heneral Luna, noong mga unang araw flop iyon. Kasi nga walang malaking artista. Nang malaunan na lang naging hit iyon, dahil kumalat ngang maganda ang pelikula. Pero bihira ang kagaya niyong pelikulang Heneral Luna. Karaniwan kasi basta ang pelikula ay hindi kumita sa mga unang araw, pinu-pull out na sa mga sinehan kaysa mas malugi pa ang producer sa kababayad ng minimum guarantee ng sinehan.

Kaya malaking advantage talaga iyong sikat ang artista mo.

HATAWAN – Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *