Sanggol, ina 1 pang paslit pinatay ng ama

NAGTANGKANG magpakamatay sa pamamagitan ng pagsaksak sa sarili ang isang padre de pamilya makaraang pagsasaksakin ang kanyang asawa at apat na anak na ikinamatay ng tatlo sa kanila sa Sitio Bukid, Brgy. Riverside, San Pedro, Laguna.

Ayon kay San Pedro, Laguna Chief of Police, Supt. Cecilio Ison, kinilala ang suspek na si Ruel de Castro Maraña, 31, talunan sa sugal bago maganap nag insidente kamakalawa ng gabi.

Kinilala ang mga napatay na si Gemmalyn Maraña, at mga anak na sina Shantal Mae, 4, at Jhoniel, 6 buwan gulang na sanggol.

Habang sugatan ang dalawa pang anak na sina Jhonuel, 3, at Janjan, 2, nilalapatan ng lunas sa Philippine General Hospital (PGH).

Sinasabing dumating ang suspek na mainit ang ulo dahil natalo sa sugal sa isang lamayan at lalong uminit ang ulo nang salubungin ng asawa at mga anak.