Thursday , December 8 2022

Alden sumikat nang husto dahil kay Yaya Dub (News correspondent, sumugod sa ospital)

072815 alden yaya dub
ILANG oras lamang matapos na siya ay himatayin nang totohanan habang kinukunan ang eksena ng kanyang kasal, may lumabas na medical bulletin na nagsasabing ok na raw si Yaya Dub. Ang tanong nga ng isang kaibigan namin, “how popular is she to merit the issuance of a medical bulletin”.

Iyang paglalabas ng medical bulletin ay nangyayari lamang kung ang nasa isang ospital ay isang dignitary, isang mataas na opisyal ng pamahalaan, o kaya ay isang napaka-importanteng tao na inaakala nilang ang kalagayan ng kalusugan ay dapat malaman ng publiko sa kung ano mang dahilan.

Pero hindi namin masisisi kung sino man ang huminging magpalabas ng isang medical bulletin dahil matapos ang pangyayaring iyon, lalo na noong mabalitang totoo palang hinimatay si Yaya Dub at hindi bahagi ng script para hindi matuloy ang kasal kay Yackie, aba eh bumaha na ang mga inquiry sa social media. May isa pa nga kaming informant na nagsabing sinugod ng mga news correspondent ang ospital nang mabalitaan nilang doon dinala si Yaya Dub, pero nai-release naman pala siya agad.

Hindi lang daw niya nainom ang mga gamot niya noong umaga kaya nahilo siya ng ganoon. Usually nangyayari ang ganyan sa mga diabetic, at ang tawag sa ganyang sitwasyon ay hypoglycaemia kung diabetic siya. Minsan naman sinasabing ang dahilan niyan ay kulang sa potassium. Pero huwag tayong gumawa ng speculations kung ano talaga ang dahilan, doon na muna tayo sa masyado lang siyang napagod kaya nangyari iyon.

Pero para sa amin, iba na ang issue eh. Ang issue namin diyan, masasabi bang talagang sikat si Alden Richards at natangay niya sa popularidad ang hindi pa kilalang si Maine Mendoza? O masasabi bang si Maine ang dahilan kung bakit nagkaroon din ng buhay ang career ni Alden?

Matagal na kasi si Alden eh. Iyong ginawa niyang serye iyon pang Alakdana, hindi naman siya sumikat nang husto. Marami ng kasunod na guest-guest siya na wala rin naman. Naging co-host siya sa Eat Bulaga ganoon lang din naman. Noon lang sumulpot ang character ni Yaya Dub at nagpabebe sila kaya sumikat sila nang husto. Sino nga ba ang nagdadala?

HATAWAN – Ed de Leon

About Ed de Leon

Check Also

Paolo Contis Yen Santos Lolit Solis

Relasyon nina Paolo at Yen ibinuking ni Lolit 

I-FLEXni Jun Nardo TULUYAN nang ibinisto ni Manay Lolit Solis na ang aktres na si Yen Santos ang lucky …

Blind Item, Mystery Man, male star

Designer nagbabala baho ni male starlet ibubunyag

ni Ed de Leon MATAPOS na mapadalhan  ng “supposed to be pamasahe” niya papunta sa …

Vhong Navarro Arrest NBI

P1-M piyansa pinayagan
VHONG PANSAMANTALANG MAKALALAYA

HATAWANni Ed de Leon MABILIS na kumilos ang legal team ni Vhong Navarro para maihanda ang itinakdang …

Matet de Leon

Matet tinapos relasyon sa ina at pamilya

HATAWANni Ed de Leon NAUUNAWAAN namin at alam naming masamang-masama ang loob ni Matet sa kanyang sinasabing …

Vhong Navarro

P1-M piyansa ni Vhong pinayagan ng korte

PINAHINTULUTANG makapaglagak ng piyansa ang aktor at TV host na si Vhong Navarro para sa …

Leave a Reply