Claudine nakisama noon kay Raymart habang si Rico pa rin ang mahal 

HATAWAN
ni Ed de Leon

INAMIN ni Claudine Barretto matapos ang 22 taon, si Rico Yan ang kanyang “Greatest love.” Naniniwala kami riyan, isipin ninyo nag-split sila ilang taon na ang nakararaan, yumao na si Rico, nagpakasal na si Claudine kay Raymart Santiago at nagkaroon na rin sila ng anak na malaki na. Pero naitago pa ni Claudine ang mga love letter sa kanya noon ni Rico. 

At ngayon ilang ulit na niyang ginagawa na dinadalaw ang puntod ni Rico at sinasabing mahal pa rin niya iyon.

Talaga ngang hindi maitatago ni Claudine na wala siyang minahal na kagaya ng pagmamahal niya kay Rico. Pero kung iisipin mo, kahit naghiwalay na sila at may kasama na ring iba ngayon si Raymart, masakit pa rin iyon. Isipin mo habang kasal kayo at nagsasama, iba pala ang talagang mahal ng asawa mo?