HATAW! D'yaryo ng Bayan hatawtabloid.com
RATED R
ni Rommel Gonzales
INILABAS na ng PMPC Star Awards Inc. ang partial list of winners para sa 17th Star Awards for Music. Ang mga nanalo sa natitira pang mga kategorya ay iaanunsiyo sa mismong awards night na gaganapin sa Hunyo 25 sa Teatrino Greenhills, San Juan City.
Pasok sa listahan ng mga nanalo ang tinaguriang Nation’s Girl Group, ang BINI bilang Dance Recording of the Year para sa kanilang hit song na Salamin Salamin. Kasama nilang nanalo sa parehong kategorya ang rising P-Pop boy group na Bilib para sa kanilang dance hit na Say Whatcha Wanna Say..
Kaabang-abang din kung madaragdagan pa ang panalo ng BINI, na nominado rin sa Song of the Year (Salamin Salamin), Album of the Year (Talaarawan), Duo/Group Artist of the Year, Music Video of the Year, at Pop Album of the Year.
Iuuwi naman ni Juan Karlos ang tropeo para sa Male Acoustic Artist of the Year para sa awiting Tanga Mo Juan. Hihintayin pa ni JK sa awards night kung mananalo rin siya sa iba pang kategoryang nominado siya kabilang na ang Male Recording Artist of the Year, Concert of the Year, at Male Concert Performer.
Makulay naman ang panalo ni Unkabogable Superstar Vice Ganda sa Christmas Song of the Year para sa awiting Rainbow Christmas.
Samantala, excited naman ang mga young star na sina Jayda Avanzado, Dylan Menor, Jarren Garcia, at Marthena Jickain dahil first time nilang magho-host. Bagay silang hosts ng Star Awards for Musicdahil pawang mga mang-aawit din naman sila.
Bukod sa pagho-host, magpe-perform din si Jarren kasama si Sam Concepcion sa opening number.
Pangungunahan nina Ima Castro, JV Decena, at Chad Borja ang tribute number para sa Pilita Corrales Lifetime Achievement Awardee na si Celeste Legaspi at Parangal Levi Celerio Lifetime Achievement Awardee na si Mon del Rosario.
Ang rap group na Salbakuta naman ang maghahandog ng tribute number para sa isa pang Pilita Corrales Lifetime Achievement Awardee na si Andrew E.
Magkakaroon ng special number ang Rainmakers, na pararangalan din sa awards night bilang Mga Natatanging Alagad ng Musikang Pilipino. Nagdiriwang ang Rainmakers ng kanilang ika-50 anibersaryo sa music industry.
May spot number din ang tinaguriang The Revival King na si Jojo Mendrez.
Espesyal na pagtatanghal ni Moira dela Torre ang aabangan sa finale.
Magbibigay naman ng special Fan Favorite Awards ang PlayTime, na co-presentor ng music event. Bisitahin lang ang kanilang official website – playtime.ph – para makaboto. Itsek din ang social media accounts ng PlayTime para sa iba pang detalye.
Makakatuwang ng PMPC Star Awards Inc. sa pag-organisa ng 17th Star Awards for Music ang Echo Jham Entertainment Production na pinamumunuan ni Ms. Mhae Sarenas. Si Calvin Murphy Neriaang magdidirehe ng awards night.
Sa pangunguna ng kasalukuyang Pangulo ng PMPC Star Awards Inc. na si Fernan de Guzman at ng Overall Chairman ng 17th Star Awards for Music na si Mell Navarro, kasama ang mga opisyales at miyembro ng grupo, tinitiyak nilang magiging bongga at maningning ang awards night sa tulong ng Echo Jham.
Samantala, narito ang partial list of winners sa 17th Star Awards for Music:
ROCK ARTIST OF THE YEAR
• Sponge Cola – “Tatlong Buwan” (Independent)
FEMALE R&B ARTIST OF THE YEAR
• Zéla – “Pogi Boy” (AQ Prime Music)
MALE R&B ARTIST OF THE YEAR
• Kris Lawrence – “Within” (Vehnee Saturno Music)
FEMALE ACOUSTIC ARTIST OF THE YEAR
• Angela Ken – “Kulimlim” (Tarsier Records)
MALE ACOUSTIC ARTIST OF THE YEAR
• Juan Karlos – “Tanga Mo Juan” (Sony Music Phils.)
COLLABORATION OF THE YEAR
• “Hanggang Dulo” – Jos Garcia x Nolo Lopez (Stardom Music Production); and “Palagi” – TJ Monterde x KZ Tandingan (Independent)
RAP ALBUM OF THE YEAR
• “Drugs” – Shanti Dope (Universal Records)
RAP ARTIST OF THE YEAR
• Illest Morena – “Morenita” (Independent / TMP Industries)
NEW FEMALE GROUP ARTIST OF THE YEAR
• PIX!E – “Iced Coffee” (Viva Records)
NEW MALE GROUP ARTIST OF THE YEAR
• Five Fingers – “Lakas Mo” (Star Music / DNA Music PH)
DANCE RECORDING OF THE YEAR
“Say Whatcha Wanna Say” – Bilib (AQ Prime Music); and “Salamin Salamin” – BINI (Star Music)
REVIVAL RECORDING OF THE YEAR
• “Ipagpatawad Mo” – Khel Pangilinan (M Music Live)
INSPIRATIONAL SONG OF THE YEAR
“Pagmamahal sa Tinubuang Lupa” – Kayla Acosta, Kamilla Acosta, Enoch Casiño, Emilio David, Ephraim Maglaque (Independent) Composer: Atty. Persida V. Rueda-Acosta; and “Ningas Ng Pag-asa” -Jamie Rivera Feat. 92 AD (Star Music)
CHRISTMAS SONG OF THE YEAR
“Rainbow Christmas” – Vice Ganda (Star Music)
Composer: Vice Ganda, Jonathan Manalo, Roque “Rox” Santos, Jeremy Glinoga
SPECIAL AWARDS
PILITA CORRALES LIFETIME ACHIEVEMENT AWARDS
Celeste Legaspi
Andrew E.
PARANGAL LEVI CELERIO LIFETIME ACHIEVEMENT AWARD
Mon del Rosario
MGA NATATANGING ALAGAD NG MUSIKANG PILIPINO
Rainmakers
