Sunday , April 14 2024
Dragon Lady Amor Virata

Surot, surot at surot pa…

Isumbong mo
kay DRAGON LADY
ni Amor Virata

MAPUPULANG pantal at ubod nang kating naranasan ng ilang pasahero sa upuan ng NAIA Terminals 2 &3 sanhi ng kawalan ng malasakit sa “Sanitation at Cleanliness” — ng management na binubuo ng mga opisyal ng NAIA. Puro lampaso lang sa mga sahig na tiles na tinatapakan, nakasentro ang mga itinalagang nangangasiwa na general services bukod sa paghakot ng mga basura sa loob ng terminal 2 at 3.

Iyang surot parang Covid ‘yan, ‘pag inupuan ng pasaherong may bitbit na surot, madaling kakapit sa susunod na uupo.

Nagtatago ‘yan sa mga singit ng upuan at kapag nangitlog ay nauupuan at napipisa, kakapit ito sa damit at maglalakbay sa balat ng tao na kadalasan ay sa hita o sa likod ng binti. Kahit naka-pantalon ka ay kakapit ito sa ating mga katawan.

Nag-viral ang surot sa mga nabanggit na terminal sa social media. Kahit palitan ‘yan ng mga bagong upuan walang magagawa kung patuloy ang may bitbit na surot mula sa mga pasaherong nagbitbit ng surot galing sa kani-kanilang lugar.

Regular na dapat linisin at ipagpag ang mga upuan at gumamit ng mga pamatay surot. ‘Yung ibang pasahero nahihiga pa lalo na kung delayed ang mga flight.

Ang resulta hanggang eroplano ay bitbit ang surot kaya ‘di na rin ligtas ang mga on board na pasahero, kaya nga buti pa ang surot libre nang makarating sa ibang bansa at ‘yung mga pauwi sa bansa galing sa ibang bansa na nadikitan ng mga surot ay may pasalubong na surot sa kanilang mga mahal sa buhay.

Sa aking pagkakaalam, sa mismong bahay natin ay maiiwasan ang surot kung malinis ang kapaligiran, walang iniwan ang surot sa kagat ng garapata mula sa mga alagang aso. Makati sobrang, kati hanggang magsugat.

Naalerto ang management ng NAIA kaya pinalitan na ang upuan ng mga pasahero.

Teka paano naman ang mga surot na mga empleyado? Na kumakagat sa mga bulsa ng mga pasahero? E di wow!

About Amor Virata

Check Also

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Sipat Mat Vicencio

Mayor Abby Binay pasok sa ‘Magic 12’ ng Pulse Asia, hahaha…

SIPATni Mat Vicencio SINO ba naman ang maniniwala sa ginawang survey ng Pulse Asia kamakailan …

Krystall herbal products

PT bilib sa panggagamot ng lolang hilot katuwang ang Krystall herbal products

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …

DANIEL FERNANDO Bulacan

National wealth tax para sa likas na tubig
MOTION FOR RECONSIDERATION INIHAIN SA SC NG BULACAN GOV

NAGHAIN ng Motion for Reconsideration si Bulacan Gov. Daniel Fernando sa Korte Suprema sa naging …

permit money BIR

Taxpayers hinikayat maghain ng ITR bago 15 Abril deadline

HINIMOK ni Senador Win Gatchalian ang mga taxpayer na maghain ng kanilang income tax returns …