Saturday , May 21 2022
Gladys Guevarra Sharon Cuneta

Gladys nadesmaya kay Sharon — malinaw pa sa mineral water ang tunay mong ugali

HATAWAN
ni Ed de Leon

ANG tindi naman ng ibinato ni Gladys Guevarra kay Sharon Cuneta nang sabihin niyang “ngayon malinaw pa sa mineral water na nakikita ang tunay mong ugali. Napakasakit niyon, lalo na nga’t nagmula sa isang kapwa mo artista, pero hindi namin masisi si Gladys, nabigla rin siya at nadesmaya dahil inamin naman niya na dati ay napakataas ng respeto at paghanga niya kay Sharon, tapos nga may nakita siyang isang napaka-aroganteng statement niyon at sa social media pa.

Marami namang mga artistang ganyan, na napakabait ng image at laging pinupuri ng kanilang mga kasama, pero noong minsang mapanood namin sa taping, grabe kung magsalita at halos murahin na ang mga crew ng kanilang serye. Pero hindi lumalabas iyon.

Si Sharon naman kasi, siya mismo ang nag-post ng kanyang aroganteng statement at kahit na dinelete na niya iyon matapos na matabunan ng katakot-takot na bashers, hindi pa rin basta mabubura iyon dahil may mga website na nakapag-screenshot niyon at nag-repost. Kaya kahit inalis na ni Sharon, naroroon pa rin.

Iyon namang comment ni Gladys masyadong blown up dahil artista nga rin siya. Ang daming mas masama ang mga sinasabi na hindi napansin at nabura na rin nang i-delete ni Sharon ang kanyang original post.

Gusto naming isipin na nasabi lang naman din iyon ni Sharon dahil nabigla siyang kinanta ang isang sumikat niyang kanta, na theme song din ng isa sa kanyang hits na pelikula. Pero kung nasabi iyan ni Sharon noong kasagsagan ng kanyang popularidad, palagay namin baliktad ang reaksiyon ng publiko, tiyak na lahat sila kakampi kay Sharon. Sikat siya eh.

Ngayong medyo bumaba na nga ang popularidad ni Sharon, kumokontra na sila dahil at least hindi na sila mabubugbog sa bashing ng fans noon.

 Iyan ang sinasabi nilang “think before you click.”  Dahil basta may binitiwan kayong salita sa social media, binuksan na  ninyo iyon sa publiko at may karapatan na ang kahit na sino na magbigay ng comment pabor man o laban sa inyo. Sa kaso ni Sharon, nag-boomerang ang statement niya sa kanya mismo.

About Ed de Leon

Check Also

052022 Hataw Frontpage

Exclusive!
PAUL SORIANO BAGONG PALACE EXECUTIVE

ni ROSE NOVENARIO MAISASALBA na ang karerang muntik lumubog ni multi-awarded film director at mister …

Kris Aquino

Kris sinupalpal mga nagpapakalat na agaw buhay na siya

PABONGGAHANni Glen P. Sibonga NAGPAABOT ng mensahe ng pagmamahal, pagdarasal, at mabilis na paggaling kay Kris …

Ejay Falcon Rhea Tan Beautederm Jana Roxas

Pagkapanalo ni Ejay ikina-proud ni Beautederm CEO Rhea Tan 

PABONGGAHANni Glen P. Sibonga PROUD ate si Beautederm CEO and President Rhea Anicoche Tan sa itinuturing niyang …

Moira dela Torre Kathniel

Kumpas ni Moira ginawa para sa KathNiel at sa 2G2BT 

 OPISYAL nang inilabas ni Moira dela Torre ang comeback single niyang Kumpas na nagsisilbing theme song ng bagong ABS-CBN …

Sharon Cuneta Regine Velasquez

Friendship nina Sharon at Regine bumilang na ng maraming taon

MA at PAni Rommel Placente SA isang interview ni Sharon Cuneta, ibinahagi niya kung bakit bumibilang …