Thursday , May 26 2022
Diego Loyzaga Cesar Montano

Diego nagpakumbaba kay Cesar

HATAWAN
ni Ed de Leon

OO naman, masasabing magandang balita iyang after seven years ay nagkasundo sina Diego Loyzaga at ang tatay niyang si Cesar Montano

Ayon sa kuwento, nagpakumbaba si Diego at humingi ng paumanhin kung may nasabi man siyang hindi maganda laban sa tatay niya. Eh siyempre tatay niya iyon eh.

Matindi ang naging misundertandings nila noon, kasi siguro mataas ang expectations ni Diego nang una silang magkaharap ulit ng tatay niya, pero mukhang disappointed iyong bata. Lumaki siya sa Australia kasama ang inang si Teresa Loyzaga. Wala siyang nakuhang

atensiyon mula sa tatay niya eh, pero masasabing naging napakaganda nga ng pagpapalaking ginawa ni Teresa sa kanyang anak. Sa kabila ng lahat ng nangyaring controversy at disappointments, nagawa pa ring magpakumbaba ni Diego.

Ibig sabihin din niyon, sa kabila ng mga nangyari sa kanilang relasyon, tinuruan ni Teresa ang kanyang anak na maging magalang sa kanyang ama.

Suwerte iyang si Cesar, tingnan ninyo ang mga naging anak nila ni Sunshine Cruz, nagkahiwalay man sila at hindi niya naibigay ang suporta sa kanyang mga anak dahil wala siyang trabaho, hindi tinuruan ni Shine na lumayo sa kanilang ama ang kanyang mga anak, dahil alam niya “kailangan ng mga bata ang pagtingin ng isang ama.”

Kung naibang klaseng mga babae iyan, baka lahat ng anak niya galit sa kanya.

Hindi sila aware, pero noong araw ay nasundan namin ang kuwento ng relasyon nina Teresa at Cesar. Alam na alam namin kung bakit Diego ang ipinangalan nila sa kanilang anak. Pero iyon ay mga private stories na hindi na dapat  inilalabas sa publiko. Kahit naman mga artista sila, may karapatan din naman silang magkaroon ng privacy.

Mabuti at naayos ang problema nilang dalawa. May mga relasyong hindi na naaayos at nauuwi na sa mga bagay na hindi na maganda. Hindi natin maikakaila na may mga ganyang pangyayari sa showbusiness.

Noong magkaroon ng problema si Diego, mabuti na lang at maagap si Teresa kaya hindi na napasama iyong bata. Binigyan din siya ng moral support ni Sunshine at ng kanyang mga kapatid sa ama. Madalas, lalo na nga’t may okasyon kasama ni Diego ang mga kapatid niyang anak ni Sunshine.

About Ed de Leon

Check Also

Bea Alonzo spain house

Pagbili ng apartment ni Bea sa Spain sisiw lang sa aktres

REALITY BITESni Dominic Rea SISIW lang o barya lang para kay Bea Alonzo ang halaga ng binili …

Xian Gaza Barbie Imperial

‘Lampungan’ sa socmed nina Barbie at Xian saan mauuwi?

REALITY BITESni Dominic Rea MAY patutunguhan ‘yang ‘lampungan’ sa social media o exchange of words …

Cara Gonzales Ikaw Lang Ang Mahal

Cara Gonzales palaban bilang direktor na pokpok

HARD TALKni Pilar Mateo ANO ba ‘yung pinanood ko? Ibang klase talaga itong si Direk Richard …

Sylvia Sanchez Lee Jung-jae

Sylvia nakadaupang palad si Lee Jung-jae

PROUD na ibinahagi ni Sylvia Sanchez sa kanyang social mediaaccount ang picture nila ng Korean superstar na …

Regine Velasquez Moira dela Torre Gary V Chito Miranda

Regine, Moira, Chito, at Gary mga hurado ng Idol Phils Season 2

NAGBABALIK ang pinakamalaking singing competition sa bansa, ang Idol Philippines  sa ikalawang season nito kasama ang minahal …