Wednesday , May 25 2022
Vilma Santos
Vilma Santos

Ate Vi natural ang ganda — ‘Di ko ipinagagalaw ang mukha ko

HATAWAN
ni Ed de Leon

SINSABI nga nila, makikita mo ang talagang kagandahan ng isang babae kung makita mo siya sa umaga, kung bagong gising pa lang.

Pero bihira nga sa mga babae ang lumalabas nang ganyan. Karaniwan ay nag-aayos muna sila bago humarap kahit na kanino, maging sa kanilang pamilya.

Pero si Ate Vi, malakas ang loob at nai-post pa ang kanyang video na halata mong bagong gising dahil sa kanyang mga mata.

Naka-pajama pa si  Ate Vi sa nasabing video. Mukha namang nakapag-ayos nang kaunti pero bagong gising at ang reaksiyon ng publiko, “eh maganda siya talaga.”

Kung iisipin mo na may edad na rin naman siya at inaamin naman niya, ang sinasabi ng mga tao, “hindi siya nagmukhang lola, dahil hindi pa naman siya lola talaga.”

“Hindi pa ako lola sa mga anak ko, pero marami akong mga pamangkin na may mga anak na rin kaya lola na rin naman ako. Pero depende iyan sa tao eh, ano ba ang masasabing mukhang lola? Iyon bang puti na ang buhok, uugod-ugod na at marami nang wrinkles ang mukha?”

Iyang wrinkles, may mga tao talagang mabilis magkaroon nang ganyan sa mukha. Pero sabi nga nila ang pinagmumulan niyan ay stress. Bukod doon, siguro napabayaan iyan noong panahong bata pa sila, lalo na nga iyong hindi mahilig mag-ayos. Sa kaso ko naman, artista kasi ako babad sa make-up ang mukha ko bata pa lang ako, at ang mga make-up naman natin noong araw ay hindi kagaya ngayon na mayroong mild na formula lang. Kaya naman sa kaso ko nakagisnan ko na at nakasanayan na pagdating ng gabi o kung puwede nang alisin ang make-up, talagang inaalis ko agad at sinisiguro kong malinis na talaga bago ako matulog.

“Mayroon din naman akong make-up rest day. Kung hindi ako lalabas, hindi ako talaga nagme-make up para mapahinga naman ang kutis sa mukha. That way nare-relax ang kutis mo eh. Siguro iyong iba hindi conscious sa ganyang mga bagay, pero para kasi sa isang babae, aba kailangang pangalagaan mo ang iyong sarili kung ayaw mong magmukhang losyang talaga,” sabi ni Ate Vi.

Hindi rin nabalita si Ate Vi na nag-eendoso ng mga dermatologist o anumang gamot. Bakit?

“Kumukonsulta rin naman ako. May mga kaibigan akong mga Dermatologist. Hindi ko lang ipinagagalaw ang mukha ko o anumang parte ng katawan. Hindi ako nagpapa-retoke. I have nothing against those who undergo cosmetic surgery, pero sa kaso ko wala akong nakikitang need.

“Aba magugulat ka sa ngayon, makikita mo sa internet hindi lang mga babae, pati lalaki talaga medyo vane na ngayon. Sila iyong nagpapasaksak ng vitamins. Sila iyong umiinom ng gluta para pumuti at maging makinis ang kutis. Self improvement at hindi masama kung kaya ba nila eh, kasi magastos din iyan,” sabi pa ni Ate Vi.

About Ed de Leon

Check Also

Benz Sangalang

Benz nagtiyaga sa kamote para magka-abs

HARD TALKni Pilar Mateo NAGKABUKINGAN ba ng mga sikreto nila ang mga artistang mapapanood sa …

Globe Prepaid Virtual Hangout GaWatch Filmlab

Erik, Jade, JP, at Antoinette magbibigay workshop sa GoWatch Film Lab

I-FLEXni Jun Nardo ANG mga bigatin at acclaimed directors na sina Erik Matti,  Jade Castro, JP …

Lovi Poe Susan Roces

Lovi sa pagkawala ni Manang Inday — truly lost a gem

I-FLEXni Jun Nardo NAGBIGAY-PUGAY si Lovi Poe sa pumanaw na si Susan Roces.  Mabigat ang puso niya sa …

Denise Esteban

Paghuhubad ni Denise may blessing ng magulang

SHOWBIZ KONEKni Maricris Valdez Nicasio “WALANG masama sa paghuhubad!’ Ito ang matapang na tinuran ng dating P-Pop …

Loisa Andalio Ronnie Alonbte Loinie

LoiNie ipon muna bago engagement  

SHOWBIZ KONEKni Maricris Valdez Nicasio IPAGDIRIWANG na nina Loisa Andalio at Ronnie Alonte ang kanilang 6th anniversarysa November pero …