HATAW! D'yaryo ng Bayan hatawtabloid.com
REALITY BITES
ni Dominic Rea
NASA Manila na uli si Karla Estrada. Halos isang buwan siyang nanirahan sa Tacloban. Ito ay upang sabayan ang buong partido ng Tingog na nag-ikot sa buong Leyte at Samar. Kasama ito sa obligasyon ni Karla bilang 3rd nominee para sa partylist.
Habang nasa Tacloban at busy sa kanyang pangangampanya ay naging bulong-bulungan naman ang umano’y P25-M na kanyang tinanggap para iendoso ang Tingog na kasabay na ang pagtakbo niya bilang Congresswoman.
May nagtsika pa ngang baka raw mas higit pa roon ang offered amount kay Karla.
“Walang ganoon Dom! Nakakaloka! Purely pakikisama at pagmamahal sa Tingog at sa mga Romualdez ang dahilan kung bakit. Nakakatawa naman ang P25-M na yan!” kaagad namang tugon sa aking text message.
Nasabi na noon ni Karla na malalaman din ng lahat ang totoong dahilan ng pagtakbo niya.
Ang buong akala rin ng karamihan ay tinanggal na sa siya sa Magandang Buhay dahil two months na itong hindi nakikita sa show. Lumabas din ang tsikang nag-resign na siya bilang co-host nina Melai Cantiveros at Jolina Magdangal. Ano ba ang totoo?
“Hindi totoo ‘yan! Nandito ako ngayon sa ABS at nagti-taping ng ‘Magandang Buhay’ hanggang January next year. ‘Yan ang totoo. Pero by February hanggang April ay kailangan kong mag-leave. ‘Yun ‘yun,” aniya pa.
