Monday , June 24 2024

Kris, greatest achievements sina Josh at Bimb

KAHAPON, nagsimulang magsyuting si Kris Aquino sa balik-Star Cinema project n’yang I Love You, Haterna makakasama n’ya ang mag-sweetheart na sina Julia Barretto at Joshua Garcia.

Umaga pa lang ng Martes (April 24),  nag-post na siya sa Instagram n’ya tungkol sa first day shooting n’ya at tungkol sa kahalagahan sa kanyang mga anak na sina Josh at Bimby. Video nilang mag-iina na nagba-bonding ang ipinaskil n’ya, actually.

Ang dalawang anak n’ya ang “greatest achievements” n’ya.

Dramatikong pahayag n’ya: ”I made this video to remind me that these 2 boys are my greatest achievements. Baka makalimutan ko habang nag shu-shooting kung sino si Kris at sino si Shasha (character n’ya sa pelikula),  marami kasi silang pagkakahawig…”

Sinundan ‘yon ng pagdidetalye ng istorya ng I Love You, Hater.

Bilang Shasha, isa siyang dating broadcast journalist na nagtayo ng sariling digital media company na sa paglaon ay naging napakamatagumpay: naging empire na sa industriya ang kompanya.

Sina Joko (Joshua) at Zoey (Julia) ay mga pangunahing empleado n’ya na nagpapaligsahan sa isa’t isa para maging opisyal na executive assistant ni Shasha.

“Umuuwi sya sa isang mansyon pero kahit akala ng lahat napakasaya ng buhay nya, hindi siya buo dahil wala siyang naging anak at hindi siya nagkaroon ng ‘closure’ sa dating asawa. Si Joko at si Zoey magiging malaking mga instrumento para buuin ang nabasag na puso ni Sasha,” paglalahad ni Kris.

Sa pagtatrabaho nilang tatlo, marami silang madidiskubre tungkol sa isa’t isa at tungkol sa kanilang mga sarili.

Ang pelikula ay ididirehe Giselle Andres at ipalalabas na sa June 13.

Ayan, abala na si Kris sa pag-e-emote sa harap ng kamera. Mawawalan na siguro siya ng lakas at oras para mag-emote in real life at talakan ang mga nakakasakit ng damdamin n’ya, damdamin, at reputasyon ng mga anak n’ya at kapatid.

But then, kasabihan nga: ”We can never tell!”

About Danny Vibas

Check Also

Darren Espanto D10 Star Magic

Darren Espanto pambato ng Star Magic  

SHOWBIZ KONEKni Maricris Valdez Nicasio NATAWA kami sa tinuran ni Darren Espanto nang matanong kung …

Diwata

Diwata walang kiyemeng kumain ng tsiken habang sumasagala 

MATABILni John Fontanilla HINDI na nga maitatago pa ang kasikatan ng social media viral pares …

Ogie Diaz Mama Loi Bea Alonzo

Ogie naghain ng counter-affidavit, Mama Loi perjury case vs Bea Alonzo

MA at PAni Rommel Placente KASAMA ang kanilang abogadong si Atty. Regie Tongol, humarap sina Ogie Diaz, …

Vilma Santos Carlo Aquino Charlie Dizon

Ate Vi bumawi sa mga inaanak na sina Carlo at Charlie

MA at PAni Rommel Placente ISA ang tinaguriang Star For All Seasons na si Vilma Santos sa …

Child Haus Ricky Reyes

TEAM Gift Giving & Feeding project sa Child Haus matagumpay Advocacy ni Ricky Reyes pagtulong  sa mga batang may cancer

ALAM MO NA!ni Nonie Nicasio MASAYA ang pag-welcome ni Mader Ricky Reyes sa mga kasapi …

Leave a Reply

Your email address will not be published. Required fields are marked *