HATAW! D'yaryo ng Bayan hatawtabloid.com
SA dinami-rami na ng commercial endorsement na nagawa ng aktres na si Yassi Pressman, siguro nga itong huli niyang ginawa, iyong sa Nivea Deo ang masasabi niyang naiiba. Kasi iyang produktong iyan ay halos institusyon na iyan. Noong araw pa kinikilala sa buong mundo. Kaya lang noon, parang hindi pa tayo napapansin. Hindi sila gumagawa ng commercial na ang endorser ay isang Filipino.
Inaamin ni Yassi mismo na hindi nga niya naisip na magkakaroon pa iyon ng endorser na Pinoy at siya ang makukuha para roon. Sabi nga niya, hindi na mahalaga ang talent fee niya eh, kundi iyong pride na siya ang kauna-unahang Pinay na nakuha para mag-endorse ng produktong iyon.
Nakatutuwa naman talaga ang mga pangyayaring ganyan.
(Ed de Leon)
