NTC biktima ng mahinang internet connection

HINDI nakaligtas maging ang telecommunications regulator mula sa mahinang internet connection, nang hindi makadalo sa pagdinig ng Senate Basic Education Committee ang National Telecommunications Commission (NTC).

Ito sana ang panahon kung saan tatalakayin sa pagdinig ang alternative learning schemes sa ilalim ng new normal gaya ng distance at online learning.

Mababatid na tinawagan ni Senator Francis Tolentino si NTC Deputy Commissioner Edgardo Cabarios para dumalo sa virtual hearing ngunit hindi siya nakontak.

Sa ikalawang pagkakataon ay sinubukan ni Senate Basic Education Committee Chairman Win Gatchalian na tanungin ang NTC, ngunit hindi rin ito narinig ng kabilang linya.

Dahil dito, sinabi ni Gatchalian na dahil sa naturang insidente ay tila nawawalan siya ng pag-asa sa online learning na mangyayari sa bansa. (NIÑO ACLAN)