Joel Cruz umamin may dalawang BF na artista

MATABIL
ni John Fontanilla

WALANG kagatol-gat na inamin ng tinaguriang Lord of Scents at Presidente & CEO ng Aficionado Germany Perfume, Joel Cruz na dalawa ang naging boyfriend niyang aktor.

Sa isang interview, honest na ikinuwento ni Joel na pareho niyang minahal ang dalawang aktor na hindi pinangalanan kung sino.

“Ako naman kasi kapag nagkaroon ako ng ganoong relationship, tsine-cherish ko ‘yun forever, ” ani Joel.

At kahit hiwalay na sila ng dalawang naging BF na artista ay naging maganda naman ang kanilang paghihiwalay at nananatili silang magkaibigan.

Dagdag pa nito na kasabay ng pagmamahal niya sa nagiging dyowa ang pagmamahal sa pamilya niyon.

“Kahit wala na kami, minamahal ko pa rin talaga. Iba ‘yung pagmamahal ko, hanggang pamilya nila minamahal ko,” wika pa ng Lord of Scent.

Bukod sa dalawang artistang nabanggit ay may naging dyowa pa itong apat na non-showbiz.

“Kahit non-showbiz boyfriends ko before, ganoon din sila until now (kaibigan).

“Kasama sila ‘pag nagta-travel kami,” sabi pa.

At sa nakalipas na interview namin kay Mr Joel ay sinabi nitong hindi na niya priority ang lovelife, mas priority niya ang mahal na mahal niyang mga anak.