Wala nang plastikan
Cayetano aminado target liderato ng upper chamber

HINDI na makikipagplastikan si Senate Minority Leader Alan Peter Cayetano sa usapin ng senate leadership dahil nais nilang maging mayorya ngunit wala silang sapat na bilang para mapunta sa kanila ang posisyon at hindi na rin bago ang isyu.

Aminado si Cayetano na sa tingin niya lahat ay nangangampanya imbes governing ang gawin.

Aniya, nanatiling haka-haka ang lahat hanggang walang nagaganap na sapat na bilang para palitan ang liderato ng senado.

Binigyang-linaw ni Cayetano na normal na mayroong mga taong masasaya o hindi masasaya ang ginagawa sa liderato ng senado.

Iginiit ng senador, ang kailangan ay 13 bilang ng boto upang makuha ang mayorya ngunit hanggang sa kasalukuyan ay hindi pa rin nila nakakamit.

Tinukoy ni Cayetano na normal na ang pag-uusap o konsultasyon sa bawat senador, miyembro man ng mayorya o minorya.

Pinaalalahanan niya ang lahat na ang kasalukuyang liderato ng senado ay pawang galing at miyembro ng dating minorya.

“We’re in the minority. So of course, we want to be in the majority. That was never a secret. Sila, they were in the minority, they got it from majority. But when they got there, everyone was happy giving them a try. They have their victories, they have their faults. But ‘yun nga, kung ako tatanungin mo, parang there’s a national campaign going on. It’s issues that are not gut issues. It’s the direction that’s important to ask the minority,” ani Cayetano. (NIÑO ACLAN)