Alden abala sa kabi-kabilang proyekto

MA at PA
ni Rommel Placente

NAKABALIK na sa Pilipinas si Alden Richards at ang kanyang pamilya after ng dalawang linggong bakasyon sa US nitong nagdaang holiday season.

Maikling panahon lang ang iginugol ni Alden sa Amerika pero aniya, naging makabuluhan at memorable ang bakasyon niyang ‘yun dahil kasama niya ang kanyang buong pamilya.

Ayon sa award-winning actor at TV host, nakapagpahinga naman siya, at ngayon ay handa na siyang muling magtrabaho. Marami siyang naka-line up na projects sa GMA 7.

“Hindi kami masyado lumabas sa area, so there were no planned long trips. Nandoon lang kami most of the time sa bahay tapos kain lang sa labas,” sabi ni Alden sa panayam ng 24 Oras.

Todo pasalamat din ang award-winning actor, dahil nabigyan uli siya ng pagkakataon na makasama ang pamilya noong nagdaang holiday season.

“It’s really more of having quality time with family, kasi ayun ‘yung medyo nawala last year, and also ayun din ‘yung isa sa mga nagiging recharge moments ko,” sabi pa niya.

Sa pagsisimula ng Bagong Taon, magiging busy na ang binata sa kanyang comeback project, ang upcoming Kapuso medical series na Code Gray.

Bukod dito, mayroon pa siyang international film na Big Tiger, na for the first time ay gaganap siyang kontrabida. Isa rin siya sa mga producer ng pelikula.