HATAW! D'yaryo ng Bayan hatawtabloid.com
MULING inihain ni Senador Antonio “Sonny” F. Trillanes IV ang panukulang naglalayong itaas ang kasalukuyang halaga ng Social Security System pension o ang Senate Bill No. 91.
Ani Trillanes, “May 19 na taon na nang huling maitaas ang SSS pension sa pamamagitan ng Republic Act 8282. Naisabatas ito kasabay ang pagtaas ng cost of living expenses sa bansa, ang kakarampot na nakukuha ng ating mga SSS pensioners, na matatanda at kadalasang may sakit, ay hindi na sapat upang suportahan ang kanilang pamumuhay para makabili ng pagkain at gamot. Higit pa rito, ang mga pensioner na nagretiro matapos maipasa ang RA 8282 ay mas naghihirap dahil sa mas maliit na pension na kanilang nakukuha.”
Sa ilalim ng SBN 91, ang lahat ng SSS pensioners ay makakukuha ng dalawang libong pisong across-the-board na pagtaas sa pension, kailan man ang taon ng kanilang pagreretiro.
( NIÑO ACLAN )
