Lipa at Tanauan dapat suyurin sa 1602

NASA bahagi raw ng Lipa City at Tanauan City sa lalawigan ng Batangas ang talamak na kailegalan.

Nasa nasabing bayan daw ang pinakamalaking operasyon ng 1602 na kung tawagin ay STL, perya, paihi, jueteng at tupada.

Ang STL ala jueteng ay tatlong beses rin daw binobola sa Tanauan at sa Lipa. Briones at Datu puti ang mas nakaaalam.

Pasok kaya sila kina Sgt. Matibag at Maligaya???

Teka, may nasagap tayong info na natagpuan na ang nawawalang katawan ni Ryan sa isang lugar sa Calabarzon.

Si Ryan ay naging biktima ng karumal-dumal na chop-chop kamakailan. Ang ilang bahagi ng kanyang katawan ay itinapon na nakasako sa bahagi ng senate sa Pasay City. Unsolved ang krimen.

* * *

Ballet scholars pinarangalan ni Mayor Fresnedi

NAKATAKDANG dumalo ang tatlong ballet scholars mula sa Tuloy Foundation sa Advance Ballet Course and Training sa Royal Ballet School sa London bilang kinatawan ng Filipinas sa Asian Grand Prix, Hong Kong sa Agosto.

Nauna na rito, pinarangalan ni Muntinlupa City Mayor Jaime Fresnedi ang mga scholar para sa kanilang tagumpay noong Hunyo 27 sa ginanap na flag raising ceremony ng Pamahalaang Lungsod.

Naging saksi sa parangal sina Jojo Perez, Ballet scholars, Daniel Vallejos, John Edmar Sumera, Benedict Sabularse at Vice Mayor-elect Celso Dioko.

* * *

Bakit madalang?

NAPANSIN natin na madalang ang mga sumusukong drug addict at tulak sa area ng south of Manila. Bakit?

Sa AOR ng south of Manila, ang daming durugista at mayayamang drug pushers.

Kung susuko sila baka mapahiya ang mayors at chief of police.

Anyway, ang mga bigtime na supplier ng shabu ay nakaistambay sa mga bahay sugalan sa casino. Sa mga hotel nila itinatago ang mga stuff. Alam iyan ng anti-narcotics agents at ng drug cuddlers.

* * *

Huwag sanang mangyari sa atin?

ANG daming  namatay at mga sugatan sa naganap na suicide bombing sa Turkey airport.

Ang insidente ay iniuugnay ng mga awtoridad sa Turkey na isang terrorist act.

Huwag po sanang mangyari ito sa ating bansa.