Wednesday , May 29 2024
Gerald Bantag BuCor Muntinlupa

Appointment ipinababawi kay Duterte
BANTAG NG BUCOR PERSONA-NON-GRATA SA MUNTINLUPA

PATULOY ang pagmamatigas ni Bureau of Corrections (BuCor) Director, Undersecretary Gerald Bantag na nasa tama ang kanyang ginagawa makaraang isara at lagyan ng harang ang kalsada na sakop din ng reservation compound ng Bilibid, hindi alintana ang prehuwisyo at hirap na daranasin ng mga residenteng nakatira sa Brgy. Poblacion, Muntinlupa City.

Biyernes ng gabi nang magsagawa sa paglalagay ng hollow blocks sa kalsada ang mga tauhan ng BuCor na ikinabigla ng mga residente ng Katarungan Village 1 at 2 . Ang naturang dalawang village ay government housing project na ang mga nakatira ay pawang nagtatrabaho sa Department of Justice (DoJ).

Pero ang nasabing pader ay giniba ng mga galit na residente at kinabukasan sinira at hinukay naman ng taga-BuCor ang bahagi ng kalsada gamit ang backhoe sa mismong tulay para muling lagyan ng bakod na matibay at barbed wire.

Dahil sa naulit na pangyayari, ayon sa pamahalaang local, wala itong koordinasyon at konsultasyon sa kanila kaya muling nagsagawa ng emergency special  session ang city council sa pamumuno ni Majority floor leader Councilor Atty. Raul Corro,  tungkol sa illegal road closure and illegal eviction and demolition of informal settlers sa NBP reservation.

Ilan sa resolusyon ang pagkondena sa ilegal na aksiyong ginawa ng BuCor at mga opisyal na responsable sa pagsasara ng daan patungo sa Katarungan Village 1 at 2.

Apektado rin ang Muntinlupa National High School (MNHS) at Pamantasan Lungsod ng Muntinlupa (PLMun).

Dahil dito, idineklarang persona- non- grata si Bantag sa lungsod ng Muntinlupa.

Hiniling din kay Presidente Rodrigo Duterte, na siyang nag-appoint kay Bantag, na bawiin o baliktarin ang aksiyon ng opisyal sa ilegal na pagpapasara ng kalsada at demolisyon sa informal settlers sa NBP reservation, na anila’y paglabag sa Konstituyson at iba pang kaugnay na pambansang batas at mga ordinansa.

Noong Marso, unang binakuran ang kalsadang sakop ng insular prison patungong Southville 3 NHA housing project at sumunod na sinarhan ang daan sa Type B, na sakop pa rin ng NBP. 

Binibigyan din ng kapangyarihan ng city council si Mayor Jaime Fresnedi, sa pamamagitan ng legal office na puwedeng magsampa ng civil, criminal, at administrative cases laban sa mga opisyal ng BuCor.

        Ginagawa ni Muntinlupa Rep. Ruffy Biazon, ang lahat sa tamang proseso upang maresolba ang kontrobersiyal na usapin nang magkaroon ng pagdinig sa kongreso ang naunang  problema ng mga apektadong residente, bagamat ‘di pa umano nareresolba.  (MANNY ALCALA)

About Manny Alcala

Check Also

052824 Hataw Frontpage

Para sa firetrucks at emergency medical equipment,
P2.88-B PONDO NG DILG-BFP IPINALABAS NI PANGANDAMAN

INIUTOS ni Budget Secretary Amenah “Mina” Pangandaman ang agarang pagpapalabas ng kabuuang P2.880 bilyon sa …

052824 Hataw Frontpage

Ipinagkanulo ng nalaglag na belt bag  
‘GUNMAN’ SA LTO EXEC AMBUSH ARESTADO

ni ALMAR DANGUILAN ITINUTURING ng Quezon City Police District (QCPD) na lutas na ang pagpaslang …

Tacloban Leyte

Anti-government rally ng Maisug pumalpak

KINANSELA ng Maisug anti-government rallyists ang kanilang protesta sa Tacloban City sa Leyte province makaraang …

Drug den sinalakay MAINTAINER, 3 GALAMAY TIKLO

Drug den sinalakay
MAINTAINER, 3 GALAMAY TIKLO

Sinalakay ng mga tauhan ng Philippine Drug Enforcement Agency (PDEA) ang isang lugar sa lungsod …

Designers, mga mananahi ng Gitnang Luzon target tulungan ng ‘Pustura’ Fashion Show ng DTI

Designers, mga mananahi ng Gitnang Luzon target tulungan ng ‘Pustura’ Fashion Show ng DTI

MATAGUMPAY na idinaos ng Department of Trade and Industry (DTI) ang pasinayang pagtatanghal ng ‘Pustura,’ …