Tuesday , March 19 2024
Sir Jerry Yap JSY Rommel Sales

Maligaya na ang birthday ko, okey na si Rommel — JSY

MARAMING salamat, Sir JSY.

Nabulabog mo kaming lahat, mga tauhan mo, pamilya, lahat ng nagmamahal sa’yo, pati na rin ang (naiinggit) sa ‘yo, pati buong industriya ng malayang pamamahayag, lumuluha sa biglaan mong pag-alis sa mundo.

Pero lahat ito’y nakatakda na, kung minsan, ang katulad mong umalis patungo sa kabilang buhay na walang problema at lahat masaya.

Isa ako sa masuwerteng tao na nakabilang sa iyong diyaryo at kompanya (HATAW D’yaryo ng Bayan ng JSY Publishing), na maraming ulit mo akong binigyan ng malaking tulong upang mabuhay muli.

Sir Jerry Yap JSY Rommel Sales 2

Mahigit limang taon na ang nakararaan nang bigla na lamang akong isugod sa ospital dahil sa stroke.

Malaking problema, dahil hindi ako nakapaghanda, ‘ika nga e wala talaga kong pera dahil katatapos pa lamang ng panganay na anak sa pag-aaral.

Dito na, nagdesisyon ang aking misis na si Connie na humingi ng tulong,

        “Sir, puwede po bang humingi ng tulong, asawa po ako ni Rommel Sales.”

Sir Jerry, hindi ka man lang nagdalawang isip para bigyan mo ako ng tulong.

Sir Jerry Yap JSY Rommel Sales Chino Roces

Gano’n ka kabilis magbigay ng tulong Sir Jerry at hindi ko ‘yun makakalimutan!

Nasa emergency room na ako noon at badly needed ko ng pera para lang ma-admit sa ospital na dapat ay (mayaman ka para papasukin at gamutin) ay hindi nag-atubili para magbigay ng tulong.

Kuwento ni misis e, coordinate ka kay Gloria Galuno (my best editor) and the rest is history ‘ika nga.

Paglipas ng ilang buwan ay umatend akong muli ng masayang Christmas Party natin.

Sir Jerry Yap JSY Rommel Sales Xmas Party

At muli ay umatend ako ng kasunod mong birthday at doon mo sinabing, “Maligaya  na ang birthday ko, okey na si Rommel.”

Nang sabihin ni Sir Jerry ‘yun halos naluha ako at hindi na nakapagsalita.

        “Thank you very much sir,” na lamang ako sa kanya.

Kaya hangga’t maari ay makita kita kahit man lang sa ‘yong huling araw sa mundo ay hindi ako maaaring hindi nagtungo doon upang makita ka.

Sir Jerry Yap JSY Rommel Sales Photogs

Dahil may dinaramdam pa rin ako ay sinasabi ng ilan na ipagdasal na lamang kita, may nagsasabing, hindi puwedeng magpunta sa patay dahil pandemic at kung ano-ano pa, hindi rin maaari na makita ka.

Pero nang silipin kita, nakita kung nakangiti ka naman nang makita ako, kaya salamat nang marami, Sir Jerry Yap!

Muli, isang maligayang paglalakbay sa ‘yo Sir Jerry, nasa kamay ka na ng Ama, at sana’y hanggang diyan ay ipagpatuloy mo ang pagtulong mo sa amin.

About hataw tabloid

Check Also

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …

Krystall Herbal oil FGO Fely Guy Ong

Kulugo nalusaw sa Krystall herbal oil

Back to BasicNATURE’S HEALINGni Fely Guy Ong Dear Sis Fely Guy Ong,          Good morning …

031824 Hataw Frontpage

Bantay energy vs abuso
P4P KASADO SA PAGBUSISI NG $3.3-B LNG DEAL HANGGANG ERC, PCC

KUKUWESTIYONIN ng Energy watchdog group na Power for People Coalition (P4P) ang joint venture agreement …