Thursday , April 18 2024
dead prison

Riot sa Bilibid
3 PRESO PATAY 14 SUGATAN

ni MANNY ALCALA

TATLONG preso ang napaslang habang 14 ang nasugatan sa naganap na ‘riot’ sa loob ng compound ng Bureau of Corrections (BuCor) sa Muntinlupa City, kamakalawa ng gabi.

Sa inisyal na ulat ng BuCor, pasado 6:00 pm nitong Linggo, nang mangyari ang kagulohan sa magkabilang grupo ng mga preso na nakapiit sa maximum security compound ng New Bilibid Prison sa Sampaguita Road, Brgy. Poblacion, Muntinlupa City. 

Nabatid kay BuCor spokesperson Gabriel Chaclag,  kantiyawan umano ang pinagmulan ng away ng mga preso mula sa pagitan ng dormitories sa East  Quadrant hanggang may umalingawngaw na putok, at narinig na nasundan pa ng sunod-sunod na putok ng baril.

Dito nagsimula ang ‘riot’ ng mga preso na napayapa lamang nang nagresponde ang mga operatiba ng BuCor sa tulong ng pulisya.

Nabatid, ang tatlong napaslang ay may mga tama ng bala sa iba’t ibang parte ng kanilang katawan habang ang mga sugatan ay may tama rin ng bala nang isinugod sa ospital ng piitan.

Ayon kay Chaclag, pitong PDLs na umano’y namuno sa ‘riot’ ang kinilalang hinuli at inilagay sa isolation area para sa disciplinary actions.

Sa ginawang clearing operations, isang improvised  kalibre .45 baril, dalawang 12-gauge shotgun na sumpak, at improvised deadly weapons ang narekober ng awtoridad.

Bukod pa ang dalawang 12-gauge shotgun na sumpak na may bala at ilang armas din ang isinuko sa awtoridad.

Pansamatala, ipinagbawal ang dalaw sa piitan sa patuloy na imbestigasyon ng mga opisyal ng BuCor  upang matukoy ang ibang sumali sa gulo. (May kasamang ulat ni GINA GARCIA)   

About Manny Alcala

Check Also

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Department of Agriculture

Para sa seguridad sa pagkain
PH GOV’T DAPAT MAGPONDO SA MODERNISASYON NG AGRI

HINIMOK ni Senador Win Gatchalian ang gobyerno na mamuhunan sa modernisasyon ng agrikultura at pagpapaunlad …

marijuana

P.6-M tsongki nasamsam sa Bulacan

TINATAYANG aabot sa P602,400 halaga ng high-grade marijuana o tsongki at cannabis oil ang nasamsam …