Friday , May 27 2022
COVID-19 lockdown bubble

Positivity rate ng Covid-19 sa NCR, bahagyang bumagal — OCTA

INIHAYAG ng OCTA Research Group na nagkaroon ng bahagyang pagbagal ang positivity rate ng CoVid-19 sa National Capital Region (NCR) nitong Linggo.

Ayon kay OCTA Research Group Fellow, Dr. Guido David, umabot sa 28.7% ang positivity rate na naitala sa rehiyon nitong Linggo, o bahagyang mas mataas lamang sa 28.03 naitala noong Sabado at nagresulta upang maiklasipika ang NCR bilang high risk sa CoVid-19.

Sinabi ni David, maaaring ang pagbagal ay bunsod ng pagkaunti ng mga social at mass gatherings para sa pagsalubong sa Bagong Taon.

         Gayonman, sinabi ni David na ang naturang 28.7% positive rate ay lampas sa pinakamataas na rate na naitala sa bansa noong kasagsagan ng Delta surge noong nakaraang taon, at patungo na ngayon sa pagtatala ng highest recorded positive rate na 30%.

“No’ng Delta surge last year, ‘yung pinakamataas natin umabot lang tayo ng 27-28% e. So, parang nahigitan na natin ‘yung positivity rate ng peak ng Delta surge. Pero noong March-April last year, umabot tayo ng 30% so I think mahihigitan pa natin ‘yung 30% na positivity rate,” pahayag ni David sa isang panayam sa radyo.

Sinabi ni David na dahil dito, maaaring umabot pa sa 10,000 ang bagong kaso ng CoVid-19 na maitatala sa NCR sa susunod na linggo.

Umaasa si David na makatutulong ang paghihigpit ng restriksiyon sa NCR, na nasa alert level 3 simula nitong Lunes, sa pagpapabagal ng CoVid-19 transmission.

Idinagdag ni David, dahil sa mas mababang testing output ngayon, ang mga bagong kaso ng CoVid-19 sa Metro Manila ngayong Lunes ay mababawasan ng 2,000 hanggang 2,500, at 3,000 hanggang 3,500 bagong kaso naman sa buong bansa.

Samantala, nagpahayag ng paniniwala si David na malaki ang posibilidad na may nagaganap na ngang Omicron transmission sa Metro Manila.

Pero aniya, hindi pa sila masyadong nababahala sa sitwasyon ng Omicron variant, na unang natukoy sa South Africa, dahil nagpapakita lamang ito ng mild na sintomas sa mga nahahawaang indibidwal na fully vaccinated na.

Sa kasalukuyan, ang NCR ay nasa ilalim ng alert level 3 hanggang sa 15 Enero 2022. (ALMAR DANGUILAN)

About Almar Danguilan

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …