Hashtags, dinagdagan pa ng 10 miyembro

INILUNSAD na formally ng Hashtags ang kanilang debut album under Star Records. Siyempre, simula nang ilunsad ang grupo sa daily noontime show na It’s Showtime ng ABS-CBN ay rumatsada na sila sa kani-kanilang raket na minsan ay grupo at kadalasan naman ay kanya-kanya.

Rumatsada sila actually at instant ang kanilang kasikatan kaya naman hindi natin maitagong nakapag-umpisa ng makapag-ipon ang ilan sa kanila at nagkakaroon na ng magandang buhay huh. Kaya naman dahil sikat na sila at marami na ring followers, hindi na nagdalawang-isip ang Star Records na bigyan sila ng sariling album.

Ang nakalulungkot lang na balita about this group, may nakarating kasi sa amin na tapos na raw nagpa-audition ang Showtime production para naman sa idaragdag pa sa grupo. Meaning, magiging 20 na ang miyembro ng Hashtags.

Ano na ang mangyayari sa original members nito kung totoo ang usap-usapang ito? Sariling akin lang, kung totoo man ito, huwag naman sana dahil hindi pa naman ganoon ka-established ang mga bagets at nag-uumpisa pa lang. Mahirap kasi kapag ganyan ang sistema na instead na intact sila, magkakaroon ng intrigahan kapag nadagdagan pa. At saka sa raket, mag-aagawan na talaga sila.

REALITY BITES – Dominic Rea