Vigil sa bahay ng pamilya Manalo patuloy na dinaragsa

PATULOY ang pagdating ng mga kaanib ng Iglesia Ni Cristo at itiniwalag na mga miyembro sa labas ng bahay ng pamilya Manalo sa Tandang Sora Avenue sa Quezon City.

Layon ng mga dumalo sa vigil na makisimpatya kina Tenny at Angel Manalo, ina at kapatid ng punong ministro ng INC na si Eduardo Manalo, natiwalag dahil sa isiwalat na sinasabing banta sa kanilang buhay at pagdukot sa ilang kapatiran.

Nanawagan din ang mga nagtitipon sa gate ng Manalo Compound sa kanilang executive minister na papanagutin ang mga sinasabing tiwaling ministro at tagapangasiwa.

Bagama’t marami sa mga lumahok sa vigil ay may takip sa mukha sa takot na matiwalag din mula sa INC, nangako sila na ipagpapatuloy ang suporta sa natiwalag na mag-ina.