Monday , December 5 2022

LGU officials pinadadalo sa oral argument (Sa Torre de Manila)

PINADADALO ng Korte Suprema ang mga opisyal ng lungsod ng Maynila sa susunod na oral arguments hinggil sa pagpapatayo ng Torre de Manila, ang binansagang photobomber ng bantayog ni Dr. Jose Rizal sa Luneta Park.

Sinabi ni Atty. William Jasarino, legal counsel ng Knights of Rizal, ito’y kahit nagpahiwatig ang mga opisyal ng lungsod na hindi sila lalahok sa pagdinig.

Umaasa si Jasarino na haharap sa Korte Suprema ang kinatawan ng Maynila para mabigyang linaw ang pagbibigay ng building permit sa condominium project.

Aniya, “‘Yung City of Manila po, nagsabi s’ya, nagpahiwatig na, may manifestation na, na hindi siya magpa-participate pero ini-require siyang dumalo pa rin… Sana nga tumayo sila roon para magpaliwanag kasi sa aming pananaw, lahat naman nagsimula doon sa pagbibigay ng building permit.”

Sasalang din aniya sa susunod na pagdinig ang kinatawan ng D.M. Consunji Inc. (DMCI), may-ari ng Torre De Manila, gayondin ang solicitor general na kumakatawan sa tatlong cultural agency na naghain ng reklamo.

Habang dumipensa si Jasarino sa pagkwestyon ng korte kung bakit Setyembre 2014 lamang naihain ang petisyon laban sa konstruksyon ng condominium.

“Hindi naman nangahulugan ‘yan na hindi kami kumilos dati pa. Kumbaga, may mga kasabihan na ‘yung makukuha po nang paupo, gawin mo nang paupo, bakit ka kaagad nakatayo. Ganoon po ang aming naging pamamaraan,” sabi ng abogado.

“Nagsumikap po kami na maabot ang DMCI, ang sambayanan, konseho ng Maynila. Nag-participate po kami sa mga proceedings kasama ng mga ibang tumututol noon pa.”

About hataw tabloid

Check Also

Arrest Posas Handcuff

Rank No. 10 MWP
WANTED SA ROBBERY, NASAKOTE SA KANKALOO

BAGSAK sa kulungan ang isang miyembro ng “Limos Carnapping Group” na nasa talaan bilang rank …

shabu drug arrest

P.1M shabu
2 BEBOT, TULAK, HULI SA DRUG BUST

TATLONG hinihinalang drug personalities, kabilang ang dalawang ginang ang kalaboso matapos makuhaan ng mahigit P.1 …

Sibuyas Onions

Magsasaka dehado sa planong  importasyon ng sibuyas — Imee

MAGIGING malungkot ang Pasko ng mga magsisibuyas sa walong lalawigan kung itutuloy ng gobyerno ang …

PHil pinas China

Joint exploration sa WPS, ituloy – Marcos Jr.

KAILANGANG makahanap ng paraan ang Filipinas para matuloy ang paggalugad sa West Philippine Sea (WPS) …

NTF-ELCAC

Pondo ng NTF-ELCAC ilipat sa serbisyo publiko — Makabayan

NANAWAGAN ang grupo ng Makabayan sa Mababang Kapulungan ng Kongreso na tapyasan ang P10 milyong …

Leave a Reply