P3-T proposed 2016 budget iniharap kay PNoy

TINATAYANG P3 trilyon ang panukalang national budget na iniharap kay Pangulong Benigno “Noynoy” Aquino III.

Sinabi ni Budget Secretary Butch Abad, ang 2016 national budget ay mataas ng 15.1 porsiyento o P394 bilyon sa 2015 national budget na nagkakahalaga ng P2.606 trilyon.

Ayon kay Abad, 80 porsiyento ng 2016 national budget o katumbas ng P2.419 trilyon ay mapupunta sa pagsuporta sa mga kasalukuyang programa at proyekto na ipinatutupad ng administrasyon.

Ang 2016 national budget ay nakatakdang isumite sa Kongreso ni Pangulong Aquino sa kanyang huling State of the Nation Address (SONA) sa Hulyo 27.

Rose Novenario