Thursday , December 2 2021

Pension funds ng retired cops naibulsa na?

HINIHINALA ng Philippine National Police Retirees Association, Inc. (PRAI) na naibulsa na ng iba ang pondong inilaan sana para sa pensyon ng mga retiradong pulis.

Sinabi ni retired Police Chief Supt. Allyn Evasco Jr., vice president for Mindanap ng PRAI, kulang pa ng 19 buwan pension differential ang nakukuha nila.

“Ang natanggap namin ay 17 months only so sa sinasabi ni Ma’am Canda (DBM ASec. Tina Canda) na 36 months ang maibibigay sa amin, saan napunta ang 19 months? So ibig sabihin ‘yung 19 months na ibinigay ng DBM eh dapat maimbestigahan po ito ng CoA (Commission on Audit), baka pagdating sa PNP nagkaroon ng hocus-pocus.”

Batay sa kwenta ng PNP, nasa P700 milyon lang ang kulang sa kanila ngunit naniniwala ang PRAI na aabot na ito sa P8 bilyon na katumbas ng 32 buwan.

Hinala niya, posibleng nasa PNP pa ang pera na hindi naibigay sa kanilang mga retiradong pulis.

Ayon kay Evasco, may 66,500 retirees, survivors, transferees at beneficiaries ang miyembro ang PRAI.

Habang siniguro ni PNP officer-in-charge Leonardo Espina, inaaksyunan nila ang isyu sa hindi pa natatanggap na pensyon ng mga retiradong pulis.

Aniya, hinihintay na lang nila ang pondo mula sa Department of Budget and Management (DBM) dahil nakapag-request na sila rito.

Sa naantalang pension, benepisyo

Pasensiya habaan pa — Palasyo

HINIMOK ng Palasyo ang mga retiradong pulis at sundalo na habaan pa ang pasensiya sa paghihintay sa pensiyon at benepisyo na halos tatlong taon nang hindi naibibigay ng gobyerno.

Kamakalawa ay umapela ang PNP at AFP retirees kay Pangulong Benigno Aquino III na pansinin naman sila dahil matagal nang naghihintay ng kanilang pensiyon at umaasa sa pangako ng gobyerno.

Sinabi kahapon ni Communications Secretary Herminio Coloma Jr., ipinag-utos na ni Pangulong  Aquino  ang agarang  pagresolba sa pensiyon ng mga retiradong sundalo at pulis na inabot  na nang  halos tatlumpung buwan.

Iginigiit ng AFP retirees, ibigay na ang kanilang differentials dahil tila idinaraan na ito sa limot ng mga opisyal.

Nag-ugat ang problema sa kakulangan ng pondo sa mga  nakalipas  na taon na naging dahilan para lumobo nang husto ang pension claims nila.

Naghihinanakit ang mga retiradong sundalo at pulis dahil halos hindi na sila pinakikinggan ng gobyerno gayong itinaya nila ang kanilang buhay sa pagtatanggol sa bayan noong sila ay nasa serbisyo pa.

Giit ni Coloma, batid ng Pangulo ang naging  sakripisyo ng mga beterano at retirees kaya’t pinamamadali na ang paglutas  sa pensiyon nila.

Rose Novenario

About hataw tabloid

Check Also

Hataw Frontpage Bong Go umatras sa 2022 prexy race

Bong Go umatras sa 2022 prexy race

ni ROSE NOVENARIO             TINULDUKAN ni Sen. Christopher “Bong” Go ang kanyang ambisyong maluklok bilang susunod …

Sa Bulacan
MOTORNAPPER, 4 PUGANTE TIMBOG SA POLICE OPS

INARESTO ng mga awtoridad ang isang kawatan ng motorsiklo at apat na pugante sa magkakahiwalay …

Daniel Fernando Covid-19 Vaccine Bulacan

100K Bulakenyo target bakunahan
3-ARAW NATIONAL COVID-19 VACCINATION DAY SINIMULAN

SINIMULAN ng lalawigan ng Bulacan ang pagbabakuna sa mga Bulakenyo sa lahat ng sektor sa …

3 tulak tiklo sa droga (Sa Pasig) Edwin Moreno

Sa Pasig
3 TULAK TIKLO SA DROGA

NASAKOTE ng mga awtoridad ang tatlong hinihinalang tulak ng ilegal na droga sa ikinasang buy …

Mary Mitzi Mitch Cajayon-Uy

Cajayon-Uy:
OMBUDSMAN, KAILANGANG REPORMAHIN

KASUNOD ng pagpapawalang-sala sa kanya ng Sandiganbayan sa mga kasong graft at malversation noong 12 …

Leave a Reply