Monday , November 29 2021

Inspeksyon sa mga negosyo sa Caloocan pinaigting

TATLUMPONG (30) composite inspectors ang binuo ng pamunuan ng lungsod ng Caloocan sa pakikipagtulungan sa mga national agencies upang mapabilis ang pagsasagawa ng inspeksyon ng mga negosyo/establisyemento sa nasabing lungsod.

Nagsimula na kahapon June 9, 2015 ang masusing inspeksyon sa pakikipagtulungan ng Bureau of Fire Protection (BFP), Department of Labor and Employment (DOLE), Philippine National Police (PNP) at Caloocan City’s Office of the Building Official (OCBO).

Ayon kay Caloocan City Mayor Oscar Malapitan, ipinag-utos niya ang masusing inspeksyon upang hindi na matulad sa trahedyang naranasan ng Valenzuela City makaraang tupukin ng apoy ang pabrika ng tsinelas na nagresulta sa pagkamatay ng 72 trabahador.

Tututukan ng mga inspector ang paglabag sa fire code, labor code at building code na tatagal ng sampung araw.

“Ibig sabihin tutok tayo sa fire hazards, fire detection, fire-fighting equipment, fire escapes, building easements at structural integrity to protect the safety of the workers, kasama na ang tungkol sa pasuweldo, mga benepisyo na ibinibigay ng mga employer sa kanilang mga manggagawa,” ani Malapitan.

Idinagdag ng mayor na labinlimang (15) araw ang kanilang ipagkakaloob kung sakaling may makitang violations sa mga kompanya upang maitama ito at kung hindi ay mapipilitan silang ipasara ang negosyong lalabag.

Kaugnay nito, inianunsiyo ni Malapitan na tatlumpong (30) engineers mula sa OCBO ang sumailalim sa training upang mapataas ang kakayahan sa pagsusuri sa integridad ng mga estruktura laban sa lindol at iba pang kalamidad.

Rommel Sales

About hataw tabloid

Check Also

5 tulak nakalawit
DRUG DEN NABUWAG SA SUBIC

ARESTADO ang limang drug suspects habang nabuwag ang isang hinihinalang drug den ng mga awtoridad …

Driver sugatan sa ambush
KANDIDATONG KONSEHAL, 1 PA TODAS

PATAY sa pamamaril ng mga hindi kilalang suspek ang isang kumakandidatong konsehal at ang kanyang kasama …

300 bahay naabo sa Cebu

NATUPOK ang hindi bababa sa 300 bahay nang sumiklab ang sunog sa Brgy. Mambaling, sa lungsod …

Paslit na anak minolestiya
ng maelyang ama

HINDI na nakapagpigil  ang isang maelyang ama at pati ang sariling anak na 4-anyos ay ‘pinaglaruan.’ Naaresto …

Binata sinaksak ng tiyuhin sa QC

MALUBHANG nasugatan ang isang binata makaraang saksakin ng tiyuhin dahil sa matagal nang alitan na naungkat …

Leave a Reply