Estasyon ng pulisya sa Maynila hinagisan ng granada

HINAGISAN ng granada ang Sta. Ana Police Station sa Maynila pasado 1 a.m. nitong  Huwebes.

Kita sa kuha ng CCTV ng PNP ang paghinto ng SUV at back up na kotse na nagbukas ng bintana at mukhang tinitingnan ang presinto. 

Napatakbo na ang naka-duty na pulis nang makita  ang granada sa ilalim ng nakaparadang sasakyan.

Agad kinordonan ang lugar, at nagresponde ang Explosive Ordnance Disposal (EOD) unit na nag-detonate ng granada, na isang M-26 fragmentation hand grenade. 

Walang nasaktan sa insidente.

Hinala ng pulisya, babala ito sa kanilang mga operasyon na may kinalaman sa droga.

Leonard Basilio