HATAW! D'yaryo ng Bayan hatawtabloid.com
ARESTADO ang dalawang lalaki sa ikinasang buy bust operation ng Pagsanjan Drug Enforcement Unit nitong Lunes ng hapon, 10 Agosto, sa Barangay Poblacion Uno, sa bayan ng Pagsanjan, lalawigan ng Laguna.
Ayon kay P/Capt. Ruffy Taduyo, OIC ng Pagsanjan MPS, dakong 2:30 pm kahapon nang magsagawa ng operasyon kontra ilegal na droga ang DEU ng Pagsanjan Police sa Barangay Poblacion Uno, sa naturang bayan.
Nadakip ang mga tulak na kinilalang sina Ronly John Matignas, alyas Ron-Ron, 38 anyos; at Jason Villaruel, alyas Ton, 48 anyos, kapwa residente sa naturang barangay.
Nasamsam mula sa mga suspek ang anim na pirasong small heat-sealed transparent plastic sachet na naglalaman ng hinihinalang shabu, apat dito ang nakalagay sa isang itim na kahon, isang pirasong P1,000 bill na ginamit na marked money, dalawang pirasong P100 at isang P50 bills.
Kasalukuyang nakapiit ang dalawang suspek sa Pagsanjan Custodial Facility habang inihahanda ang isasampa sa kanilang kasong paglabag sa Section 5 at 11 ng Republic Act 9165 sa Provincial Prosecutor Office sa sa bayan ng Sta. Cruz. (BOY PALATINO)
