HATAW! D'yaryo ng Bayan hatawtabloid.com
ARESTADO ang 33-anyos lalaking pinaniniwalaang high value target (HVT) sa anti-drug operation sa lungsod ng Marikina, nitong Martes ng gabi, 23 Hunyo.
Kinilala ng Marikina PNP ang suspek na si Abbas Darimbang Dimasowa, 33 anyos, residente sa Barangay Calumpang sa lungsod.
Dinakip ang suspek nang bentahan niya ng shabu ang pulis na nagpanggap na buyer sa SM Marikina Service Road, Marcos Hi-way, Barangay Calumpang, dakong 6:00 pm, kamakalawa.
Nakompiska mula kay Dimasowa ang 450 gramo ng droga, buy bust money, at siyam na pirasong tig-P1,000 cash boodle money, at shabu paraphernalia.
Ayon sa pulisya, aabot sa P3 milyon ang halaga ng shabu na nakompiska mula sa suspek.
Kasalukuyang nakapiit sa detention cell ng pulisya ang suspek at nakatakdang sampahan ng kasong paglabag sa RA 9165 o Comprehensive Dangerous Drug Act of 2002. (EDWIN MORENO)
