HATAW! D'yaryo ng Bayan hatawtabloid.com
KRITIKAL ang kalagayan ng isang 46-anyos driver makaraan pagbabarilin ng security guard na kanyang nakaalitan dahil sa pagpaparada ng sasakyan sa Mandaluyong City kamakalawa.
Kinilala ng pulisya ang biktimang si Miguel Villamor, driver ng tanggapan ng PAG-IBIG, habang arestado ang suspek na si Jimmy Opong, 43, security guard sa Jelp Building, sa Show Boulevard, Addition Hills sa lungsod.
Ayon kay SPO2 Emmanuel Ermino, dakong 8:00 pm nang mangyari ang insidente sa parking area sa fourth floor ng nabanggit na gusali malapit sa opisina ng biktima.
Nauna rito, paparada sana ang biktima nang sitahin ng suspek at sinabihan na iparada na lang sa ibang lugar ang sasakyan.
Ngunit dedma ang biktima kaya nagalit ang suspek, binunot ang kanyang 9mm baril at ilang ulit na pinaputukan si Vilamor.
Sasampahan ng kasong frustrated murder ang sekyu habang ang biktima ay under observertion ang kalagayan sa Lourdes Hospital.
( ED MORENO )
