HATAW! D'yaryo ng Bayan hatawtabloid.com
NAGPAHAYAG ng buong suporta sa kandidatura ni vice presidential aspirant senador Francis “Kiko” Pangilinan ang iba’t ibang grupo ng mga professional.
Ito ang bunga ng dalawang araw na caravan ng Team Robredo-Pangilinan (TROPA) sa Iloilo City na kanilang inikot ni presidential aspirant at Vice President Leni Robredo.
Ayon kay Atty. Larry Firmeza, miyembro ng Ilonggo Lawyers for Leni, gagawin ng kanilang grupo ang lahat upang matiyak ang panalo nina Robredo at Pangilinan.
“We, Ilonggo Lawyers for Leni, have already started our Facebook page. But in the succeeding months, we will go to the grassroots to campaign for Leni and Kiko. We will go house-to-house, secluded places, hard-to-reach and faraway places and inform other people of the excellent platforms of Leni and Kiko should they be elected,” ani Firmeza.
Hindi natatakot ang grupo ni Firmeza sa kabila ng kinahahharap niyang mga kasong murder na aniya ay paninira laban sa kanya.
“You know if you’re going to be scared with whatever, like CoVid or the opponents, nothing will happen. We have to take risks because our candidates already did their part and took the risk,” dagdag ni Firmeza.
Samantala, sinabi ni Dr. Emily Jardaleza, ng e-Doctors for Leni, naniniwala silang mas karapat-dapat sa puwesto ng bise presidente si Pangilinan.
“If Leni wins, Kiko will be there for her. I am sure that Kiko will fully support Leni and not give her unnecessary headaches. The role of the vice president is very important, and no other candidate is fit other than Kiko,” ani Jardaleza.
Ganoon din ang pahayag ng Bikers for Leni na si Jon Dellarmente bilang pagsuporta sa pahayag ni Jardaleza ukol kay Pangilinan.
“Marami na tayong narinig na mga alegasyon ng korupsiyon sa iba’t ibang politiko pero patuloy pa rin silang nandiyan sa puwesto at nagnanakaw. Si Kiko, kailanman ay wala tayong narinig na ganito kasi tapat siya sa kanyang sinumpaang tungkulin sa ating bayan. Kailangan natin ng mas maraming Kiko para naman umunlad na ang Filipinas,” ani ni Dellarmente.
Agad nagpaabot ng pasasalamat si Pangilinan sa mga grupo at taong nagpakita ng suporta sa tambalan nila ni Robredo.
“Thank you for your warm support, Iloilo. You give us the strength. You inspire us. You encourage us to really fight until we make things right. Nagpapasalamat tayo sa Iloilo na noong 2017, nang hindi tumakbo si Senate President [Franklin] Drilon, ako po ang ginawa ninyong number one dito sa Iloilo City. Noong 2016, nang tumakbo si Senate President Drilon, ako po ay ginawa niyong number two dito sa Iloilo City,” ani Pangilinan.
“Ako ay naniniwala, our citizens are capable of making informed decisions. Kailangan lang natin silang kombinsihin. Kailangan lang nating kausapin nang maayos at paliwanagan kung ano ang totoo sa hindi totoo,” dagdag ni Pangilinan.
(NIÑO ACLAN)
