Wednesday , May 29 2024
Tesdaman, Joel Villanueva, Leni Robredo, Ping Lacson, Manny Pacquiao

“Tesdaman” nagpasalamat sa endoso ng 3 pres’l wannabes

NAGPASALAMAT si reelectionist senator Joel “Tesdaman” Villanueva sa tatlong presidential wannabes sa pag-endoso sa kanya na muling makabalik sa senado para sa halalan sa Mayo 2022.

Kabilang sa presidential wannabes na nag-endoso at nagsama sa kanilang senatorial line-up ng pangalan ni Villanueva  ay sina Vice President Leni Robredo, Senador Panfilo “Ping” Lacson at Senador Manny Pacquiao.

Ayon kay Villanueva ito ay patunay na nakita ng tatlong nagnanais na maging pangulo ang kahalagahan ng pag­sulong sa usapin ng trabaho at kabuhayan, na pangunahing adbokasiya ni “Tesdaman.”

“Very humbled po tayo sa pagkilala sa ating naging trabaho at work ethic sa senado. Iba-iba man ang mga partido at pananaw sa sari-saring usapin at isyu, pinag­bubuklod po tayong lahat ng iisang adbo­kasiya at layunin at ito ang lumikha at gumawa ng trabaho at kabuhayan para sa ating mga kababayan. Marami pong salamat sa tiwala,” masayang pahayag ni Villanueva.

Tinutukoy ni Villanueva, bukod sa paggawa ng mga batas at paghahain ng mga panukalang batas ay nakapaglikha din ito ng dagdag na trabaho para sa mga mamamayan.

“Lubos po tayong nagpapasalamat at nalulugod sa pagsama kay Tesdaman bilang guest candidate nina VP Robredo, Senator Lacson, Pacquiao, at iba pang mga presidential candidates,” ani Villanueva, chairman ng Senate labor committee na nagsusulong ng mga patakarang may kina­laman sa trabaho at kabuhayan ng manggagawang Filipino.

Si Villanueva ay nahalal noong 2016 bilang senador, pumangalawa sa mga nanalong senador at nakakuha ng botong 18,459,222 ngunit bago ihalal ay  nanungkulan  bilang Director General ng TESDA mula 2010 hanggang 2015.

Sa kanyang pagpa­palawak ng tech-voc training, higit 20 milyong Filipino ang natulungan ni Villanueva, chairman rin ng Senate higher and technical-vocational education.

Matapos maihalal, ilan sa mga panukala na naging isang ganap na batas na siya ang pangunahing may-akda ang Doktor para sa Bayan, Work from Home law, Tulong Trabaho law, Job Safety and Health Standards, at First-time Jobseekers Assistance Act.

Sa kasalukuyan ay mayroong 500 panu­kalang batas ang naihain ni Villanueva simula nang siya ay umupong senador at 82 dito ay pawang naging ganap na batas.

(NIÑO ACLAN)

About Niño Aclan

Check Also

Online gambling target lusawin ng Manila solons

Online gambling target lusawin ng Manila solons

DESIDIDO ang dalawang konggresista ng Maynila na lusawin ang ang namamayagpag na sugal sa online …

SSS, Bocaue LGU lumagda sa MOA para sa social security coverage ng JO workers

SSS, Bocaue LGU lumagda sa MOA para sa social security coverage ng JO workers

IPINAHAYAG ng Social Security System (SSS) na mahigit 800 job order (JO) na manggagawa sa …

Mayor, mangingisda ng Masinloc, nagpapasaklolo sa Presidente at sa Speaker

Mayor, mangingisda ng Masinloc, nagpapasaklolo sa Presidente at sa Speaker

HUMINGI ng tulong si Masinloc Mayor Arsenia “Senyang” Lim at ang mga mangingisda sa Zambales …

052824 Hataw Frontpage

Para sa firetrucks at emergency medical equipment,
P2.88-B PONDO NG DILG-BFP IPINALABAS NI PANGANDAMAN

INIUTOS ni Budget Secretary Amenah “Mina” Pangandaman ang agarang pagpapalabas ng kabuuang P2.880 bilyon sa …

052824 Hataw Frontpage

Ipinagkanulo ng nalaglag na belt bag  
‘GUNMAN’ SA LTO EXEC AMBUSH ARESTADO

ni ALMAR DANGUILAN ITINUTURING ng Quezon City Police District (QCPD) na lutas na ang pagpaslang …