Friday , May 20 2022
Isko Moreno, Leni Robredo, Manny Pacquiao, Ping Lacson

Unity talks kina Leni, Manny, at Ping, Isko kasado

NAKAHANDA si Manila Mayor Francisco “Isko Moreno” Domagoso na makiisa sa kapwa presidential bets, Vice President Leni Robredo at senators Panfilo Lacson at Manny Pacquiao kung ang agenda ay matugunan ang mga problema ng bayan at hindi para lamang manalo sa halalan.

Inihayag ito ni Isko, kasunod ng ulat na susuportahan ni Davao City Mayor Sara Duterte ang kandidatura ng anak ng diktador na si Ferdinand “Bongbong” Marcos, Jr., sa 2022 presidential elections.

“If we are going to unite on the issues at hand and challenges of our people, then I’m willing, but if we’re going to unite just to win because they wanted to win, medyo hindi ako masyadong ano do’n,” sabi ni Mayor Isko sa panayam sa Politics As Usual sa CNN Philippines nang tanungin kung nakahanda siyang makiisa kina Robredo, Lacson, at Pacquiao.

“Kasi ang kailangan, ‘yung pag-usapan natin, ‘yung problema ng tao, e,” dagdag ng presidential candidate na alkade ng Maynila.

Ayon kay Yorme Isko naka-move on na siya sa naging iringan sa mga tagasuporta ni Robredo kaugnay sa isyu ng pamilya Marcos.

“I have moved on,” aniya. “If they’re offended, I’m no angel, but definitely, I’m not the devil. I’m just trying to stress some points,” aniya.

Iginiit ni Mayor Isko, kapag naluklok sa Malacañang, pananagutin niya ang mga nasa likod ng mga naganap na katiwalian lalo sa panahon ng pandemya at kalupitan kasama rito ang extrajudicial killings sa ilalim ng Duterte drug war.

“Let’s pursue it if there is liability on anybody, that includes former president, whether the family benefited from it, whoever, especially ‘yung what we call na nag-abuso sa pandemya, and the EJKs,” ani Moreno.

Itinanggi muli ang pagbabansag sa kanya bilang “Duterte candidate” o sekretong kandidato ng administrasyon.

“That’s a no, but definitely, I’m’a president of a party, and I ran under my party,” wika niya.

Si Moreno ay pangulo at standard bearer ng Aksyon Demokratiko tandem niya bilang vice presidential bet si Doc Willie Ong. (ROSE NOVENARIO)

About Rose Novenario

Check Also

shabu

P3.4-M shabu ‘nasamsam’ sa 3 biyahero, 5 tulak timbog

NAKOMPISKA ng mga awtoridad ang tinatayang P3,400,000 halaga ng hinihinalang shabu sa tatlong suspek sa …

shabu drug arrest

P.25-M droga nasabat 2 tulak tiklo sa Rizal

UMAABOT sa 31 gramo ng hinihinalang shabu ang nakompiska ng mga tauhan ng Provincial Intelligence …

Gun Fire

Road rage nauwi sa barilan
TRUCK DRIVER PATAY SA ISABELA

ISANG truck driver ang binawian ng buhay matapos barilin ng dalawang hindi kilalang suspek sa …

fire sunog bombero

Umabot sa 4th alarm,
BASECO COMPOUND TINUPOK NG APOY

TINUPOK ng apoy ang isang residential area sa Baseco Compound sa Port Area, sa lungsod …

Binondo Intramuros bridge

Binondo-Intramuros bridge panalo sa ganda

I-FLEXni Jun Nardo WINNER ng bagong Binondo-Intramuros bridge na nagkaroon ng inagurasyon nitong nakaraang araw. …