Bilang ng Kapuso artists na nahuhumaling sa video games, dumarami

DUMARAMI na ang Kapuso artists na nahuhumaling sa pag-stream ng kanilang paboritong video games. Maliban kasi sa nakaaaliw ito, naging paraan na rin nila ito para labanan ang stress.

Nagsimula nang mag-stream si Alden Richards sa kanyang official Facebook na naglalaro ng Mobile Legends at Ragnarok Mobile. Subaybayan din ang gaming stream ni Megan Young na naglalaro ng iba’t ibang games gaya ng Ragnarok Mobile, Animal Crossing, at Stardew Valley.

Call Of Duty Mobile naman ang kinahihiligan nina Rocco Nacino, Kristoffer Martin, at Michelle Dee.

Aliw din panoorin si Paul Salas at ang kaibigan niyang si Arj Eder sa Facebook page na Arj & Paul na naglalaro sila ng NBA 2k20.

Abala naman sa Mobile Legends gameplay si Shaira Diaz sa kanyang gaming page na SDiaz Gaming.

Huwag ding palampasin ang streams ni Faye Lorenzo na naglalaro siya ng Mobile Legends.

COOL JOE!
ni Joe Barrameda