COOL JOE!
ni Joe Barrameda
MALAKI ang agwat ng ratings ng pilot episode ng It’s Showtime sa GMA 7 over Eat Bulaga ng TV5. Kaya binabati namin ang pamunuan ng ABS-CBN at GMA7 na binigyan ng spot sa Kapuso na naging matagumpay naman.
Sa Canada, naging matagumpay naman ang grupo ng Sparkle Artists sa mga show nila kamakailan. Ito ay kinabibilangan ni Ruru Madrid, Bianca Umali, Rayver Cruz, Julie Anne San Jose, David Licauco, at Barbie Forteza. Nag-enjoy naman ang lahat at naabutan pa nila ang snow sa Calgary na parang mga batang naglaro.
‘Yung iba sa kanila kasi ay first time makaranas ng snow. Tuwang-tuwa rin ang mga kababayan natin na makasalamuha ang mga GMA artist sa pagdating nila roon sa Canada.
