Kelvin at Kira focus sa kanya-kanyang trabaho
COOL JOE!
ni Joe Barrameda
LAST 2022 pa pala na shoot ang pelikulang Chances Are You And I na pinagbibidahan nina Kelvin Miranda at Kira Balinger at sa direksiyon ni Catherine CC Camarillo. Ito ay kinunan sa South Korea na sobrang lamig daw.
Sa naturang lugar ay nagigising si Kelvin ng 4:00 a.m.. Two houts before calltime para nga naman nagawa na niya ang mga dapat gawin at ready na sa shooting.
February 2022 sila nag-shoot sa South Korea. Na-experience nila ang sobrang lamig na umaabot pa raw minsan sa -24 degrees celsius.
Very professional si Kelvin at mas tutok siya sa trabaho na ipinagkakatiwala sa kanya.
Anyway, wala raw katotohanan na nagkaroon siya ng relasyon sa partner niyang si Kira. Never daw naging sila.
Aminado si Kelvin na dahil sa trabaho ay naging close sila pero never na naging sila. Mas sa trabaho ang tutok ni Kelvin.
Maski kami ay bilib kay Kelvin dahil sa dedikasyon niya sa kanyang trabaho. Bago-bago pa lang si Kelvin ay nakitaan na namin siya ng husay. Kaya naman sunod-sunod ang mga proyekto niya lalo na sa Kapuso Network.
Kaya komportable sina Kelvin at Kira sa isa’t isa pareho silang focus sa trabaho.
Sa May 29 ang opening ng Chances Are You And I sa mga sinehan.
