HATAW! D'yaryo ng Bayan hatawtabloid.com
ARESTADO sa mga pulis ang isang lalaking nang-hostage ng 11 buwan gulang na sanggol sa Sta. Cruz, Maynila nitong Sabado ng hapon.
Kuwento ni Annalyn Encinares, bandang 3:30 pm nang mapansin ng kanyang ina ang suspek na si Jamel Balacuit habang nakatayo sa labas ng kanilang pintuan.
Ilang sandali pa, pumasok aniya ang 20-anyos suspek sa loob ng kanilang bahay at sapilitang inagaw ang sanggol na anak ni Encinares.
Hawak ang isang flower vase, ginawang hostage ni Balacuit ang sanggol sa ikalawang palapag ng bahay.
Halos tatlong oras bago nasagip ng mga tauhan ng Special Weapons and Tactics (SWAT) ang sanggol.
Ani Insp. Rolando Almendres ng SWAT, “Kinukuha niya ‘yung sasakyan at ticket pauwing probinsya. Wala siya sa kaisipan.”
( LEONARD BASILIO )
