2 tulak todas sa enkwentro sa Maynila

PATAY ang dalawang hinihinalang tulak ng droga makaraan maka-enkuwentro ang mga operatiba ng Manila Police District (MPD) sa buy-bust operation sa Sta. Mesa, Maynila kahapon ng madaling-araw.

Kinilala ang mga napatay na si Renato Badando, alyas Neno, 41, may live-in partner, ng Parcel St., Sta. Mesa, sakop ng Brgy. 630, at isang alyas Panget, 30-35 anyos.

Batay sa ulat na isinumite ni Det. Dennis Turla kay Senior Insp. Rommel Anicete, hepe ng MPD-Crime Against Persons Investigation Section, dakong 2:00 am nang ilatag ng mga tauhan ni Supt. Santiago Pascual, station commander ng MPD Sta. Mesa Police Station (PS8), ang buy-bust operation sa riles ng tren sa Parcel St., Brgy. 630, Zone 63 sa Sta. Mesa.

Nang mabuking ng mga suspek na pulis ang kanilang katransaksiyon, agad bumunot ng baril si Badando at tinangkang paputukan ang pulis ngunit binaril siya ng mga nakarespondeng parak.

Nagbunot ng baril si alyas Panget ngunit mabilis na pinaputukan ng mga pulis.

 ( LEONARD BASILIO, may kasamang ulat nina Kimbee Yabut at Joana Cruz )