HATAW! D'yaryo ng Bayan hatawtabloid.com
MATAPOS kasahan ng Gilas Pilipinas ang France, susubukan naman nila ang tikas ng New Zealand sa pagtutuos nila mamayang alas-nuweve ng gabi sa 2016 FIBA (International Basketball Federation) Olympic Qualifying Tournament sa Mall of Asia Arena, Pasay City.
Kailangang manalo ng nationals para makasampa sa susunod na elimination at magkaroon ng tsansa na makahirit ng ticket para sa 31st Summer Olympic Games sa parating na Aug. 5-21 sa Rio de Janeiro, Brazil.
Nasa Group B ang No. 5 France, Philippines at New Zealand habang Group A ang Turkey Senegal at Canada.
Dalawang teams ang sasampa sa bawat bracket at magkakaroon ng crossover knock-out game.
Ibabandera ng Gilas Pilipinas sina naturalized Andray Blatche, Marc Pingris, Jayson Castro, Terrence Romeo, Gabe Norwood, JunMar Fajardo, Ranidel De Ocampo, Japeth Aguilar, Jeff Chan, Bobby Ray Parks Jr., Troy Rosario at Ryan Reyes.
Unang laro sa Group A ang Canada kontra Senegal.
( ARABELA PRINCESS DAWA )
