MATAPOS ang Wimbledon debut may tatlong araw na ang nakalipas, nakalsuhan ang pamamayagpag ni Filipina ace Alex Eala matapos ang quarterfinals upset sa J1 Roehampton.
Hindi kinaya ni 16-year-old tennister, Eala si Linda Fruhvirtova ng Czech Republic nang yumuko ito, 4-6, 1-6, sa quarterfinals round ng International Tennis Federation Juniors’ Grade A tournament na ginanap sa London noong Sabado ng umaga.
Ang nasabing event ay magsisilbing warm up ni Juniors World No. 3, Eala sa pagpalo nito sa Wimbledon 2021 sa Lunes.
Si Fruhvirtova ang Juniors World No. 14.
Bago napatalsik sa torneo, kinalos muna ni Eala si Mara Guth, 6-4, 6-2 ng Germany sa third round.
Samantala, second-seeded sa Wimbledon, pakay ni Eala na hatawin ang third Grand Slam title kung sasalihan nito ang Singles at Doubles ng grass courts tournament.
Nakaraang buwan lamang ay mainit sa hatawan si Eala kaya naman inaasahang maipagpapatuloy niya ang magandang laro nito ngayong buwan.
(ARABELA PRINCESS DAWA)
