Durant lumipat sa bakuran ng Warriors

KOMPIRMADONG jersey na ng Golden State Warriors ang isusuot ni former scoring champion Kevin Durant sa susunod na season ng National Basketball Association, (NBA).

Inanunsyo kahapon sa The Players Tribune na lalaro sa Golden State ang free agent at Oklahoma City Thunder star player Durant.

Pumayag si Durant sa two-year, $54 million deal at player option sa second year na oper sa kanya ayon sa The Vertical.

Nakipagkita si Durant sa Golden State, Boston, Miami, San Antonio at Los Angeles Clippers at pagkatapos ay piniling maging kakampi si two-time MVP Stephen Curry.

Bukod kay Curry, makakasama ng 27 anyos na si Durant sa team sina All-Stars Klay Thompson at Draymond Green.

Naiwan sa OKC si All-Star point guard Russell Westbrook.

( ARABELA PRINCESS DAWA )