Gilas suki ng Turkey

NALASAP ng Gilas Pilipinas ang pangalawang kabiguan sa kamay ng Turkey.

Pero ipinakita ng Gilas ang malaking improvement sa kanilang trainings matapos matalo lang ng walong puntos sa Turkey, 76-84 sa final tuneup nila sa MOA Arena para sa FIBA Olympic Qualifying Tournament na gaganapin dito sa bansa sa Hulyo 5-10.

Sa unang tuneup, kinawawa ng Turkey ang mga Pinoys, 103-68 pero sa pangalawang paghaharap ay nakitaan ng determinasyon ang national players.

Namuno sa opensa ng Ginals si Andray Blatche na may 20 points, seven rebounds, five assists, two steals at block habang nag-ambag si Terrence Romeo ng 16 kasama ang 3-pointer para tapyasin ang hinahabol ng Pinoy sa anim na puntos.

Nag-ambag din si Jayson Castro ng 13 at 10 ang dinagdag ni Gabe Norwood.

May 16 si Ali Muhammed at 13 kay dating NBA player Semih Erden para sa matatangkad na kalaban.

Nakaranas humawak ng manibela ang mga Pinoys sa first canto, 20-19 pero naagaw din sa kanila sa second period.

( ARABELA PRINCESS DAWA )