Sunga patay sa pista (Dumayo sa Pampanga)

PAMPANGA – Isa ang patay habang dalawa ang sugatan sa insidente nang pananaksak sa kasagsagan ng pista ni Apung Iru sa Apalit kamakalawa.

Kinilala ang namatay na si Jomer Sunga, bisita sa pistahan. Idineklara siyang dead on arrival sa pagamutan.

Habang sugatan sa insidente sina Gabino Cortez, lolo ng asawa ng suspek na si Rollan Pacia, 28-anyos, at kapitbahay na si Ricarte Ponce.

Ayon sa mga residente, sinaksak ang mga biktima ni Pacia sa kasagsagan ng prusisyon ni Apung Iru sa Brgy. Sampaloc.

Dagdag ng mga residente, balewalangnaglakad ang suspek makaraan ang insidente.

Nahuli sa follow-up operation ng Apalit police si Pacia na nakombinsi ng mga kaanak na sumuko.

Hindi pa malinaw sa pulisya kung bakit nagawang saksakin ng suspek ang mga biktima.

“Nanonood lang daw noon, suddenly biglang sinaksak ng suspek mga biktima,” ayon kay PO1 Artem Tamsi.

Nahaharap sa kasong frustrated homicide at homicide ang suspek.