Gen. Bato kinontra si Sarmiento (Sa 35 mayor-drug lords)

KINONTRA ni incoming PNP chief, Chief Supt. Ronald dela Rosa si outgoing DILG Sec. Senen Sarmiento kaugnay sa pahayag ng kalihim na walang ebidensya laban sa 35 mayor sa buong bansa na sinasabi ni incoming President Rodrigo Duterte, na sangkot sa illegal drugs operations.

Iginiit ni Dela Rosa, baka si Senen lamang ang hindi nakaaalam dahil alam na alam na ito ng mamamayan.

Samantala, sinabi ni Dela Rosa, palalabasin niya ang lahat ng mga pulis sa lansangan para magpatrolya laban sa kriminalidad.

Sinabi ni Dela Rosa, hindi na puwede ang mga pulis na nagtatambay at tulog lamang sa mga presinto.

Ayon kay Dela Rosa, nakatakda silang magpatupad nang malawakang balasahan para malagyan nang matinong station commander ang bawat presinto ng pulisya.