Pacman, De Lima absent sa Senate orientation

HINDI nakadalo ang ilang baguhang senador sa ‘orientation’ kahapon sa Senado.

Kabilang sa hindi nakadalo sina Senators-elect Leila de Lima at Manny Pacquiao.

Sinasabing may prior commitment ang dalawang opisyal kaya hindi nakarating sa mahalagang aktibidad sa mataas na kapulungan ng Kongreso.

Habang humarap sa aktibidad sina Senators-elect Risa Hontiveros, Sherwin Gatchalian at Joel Villanueva.

Kasama rin nila ang kani-kanilang mga tauhan na aakto bilang katuwang sa mga trabaho sa Senado.

Bagama’t may karanasan na ang tatlo sa paggawa ng batas sa Kamara, mahalagang mabigyan din sila ng ideya sa prosesong umiiral sa mataas na kapulungan.

Sa naturang orientation, nagbigay ng briefing ang Senate secretariat sa incoming senators sa magiging trabaho nila at maging ng kanilang legislative staff.