RK Rubber employee nabigyan ng boses sa mga kwentong ibinahagi sa Cinegoma

MA at PA
ni Rommel Placente

GINANAP ang opening ceremonies ng 6th Cinegoma Film Festival last week. Ito ay produced ng RK Rubber Enterprises Corp na ang CEO ay si Mr. Xavier Cortez.

Nagpapasalamat si Mr. Javier sa lahat ng sponsors at sumuporta sa festival.

Sabi niya, ”Maraming salamat sa Cinegoma organizers natin. Maraming-maraming  salamat  din po sa mga employee ng RK Rubber.

“Sa Production Department ng RK Rubber. Sa Logistics Department ng RK Rubber.

“Admin Operations department. At siyempre sa RK Davao, maraming-maraming salamat din.

“Maraming-maraming salamat po dahil nabigyan ninyo ng lakas ang mga boses at mga kwento na ibinabahagi namin sa maraming tao.

“Gusto  ko rin palang magpasalamat sa mga hindi naman taga-RK pero nakapag-contribute at sumusuporta sa amin.

“Nagbahagi ng kanilang expertice, experience at nakatulong din para kahit paano mas madagdagan ang aming karunungan pagdating sa pag-organize ng isang event na katulad nito.

“Maraming salamat din pala kay Direk Emman dela Cruz.

“At siyempre, magkakaroon ba tayo ng isang malaking event kung hindi sa malaking project ang ipinasok sa RK Rubber ng Sales Manila. Kaya nagkakaroon tayo ng malaking pondo sa Cinegoma.

“Sa mga student  filmmaker, binibigyan natin sila ng experience. ‘Pag nagkukwento sila (thru their films) na nakapagbigay din naman sila ng aral.

“Sana itong pang-6 Cinegoma ay magsilbing stepping stone pa para sa mga susunod pang malalaking taon at mas malalaking opportunity.

‘At huwag sanang huminto sa anim na taon ang aming adbokasiya,” paliwanag ni Xavier.

Ang Cinegoma Film Festival ay mapapanood mula November 24-28 sa Quezon City Circle (QCX) at Coffee Spot Minnesota Mansion, Ermin Garcia St. QC. And from November 27-28 ay sa Sine Pop,  St. Mary’s St. near cor.Aurora Blvd., Cubao QC.

Ang awards night ay ginanap noong November 29 sa Quezon City University.